अंबानी कल्चरल इव्हेंटचे खास क्षण:एकाच फ्रेममध्ये दिसले ऐश्वर्या आणि सलमान, गिगी हदीदने शेअर केले शाहरुखसोबतचे फोटो

मुंबईत मागील तीन दिवस नीता मुकेश अंबानी कल्चरल सेंटरचा कार्यक्रम रंगला. रविवार 2 एप्रिल हा कार्यक्रमाचा तिसरा आणि शेवटचा दिवस होता. दरम्यान, या कार्यक्रमाचे वेगवेगळ्या दिवसांचे फोटो आणि व्हिडिओ सोशल मीडियावर समोर येत असून ते लोकांचे लक्ष वेधून घेत आहे. हॉलिवूड अभिनेता टॉम हॉलंडसोबतचे शाहरुख आणि सलमानचे फोटो असो किंवा आराध्या बच्चन आणि रेखाचे यांचे फोटो असो, सर्वच लक्ष वेधणारे आहेत.

कार्यक्रमादरम्यान, असे अनेक इनसाइड मोमेंट्स आहेत, ज्यावर नेटकऱ्यांनी प्रतिक्रिया दिल्या आहेत. पाहूया NMACC इव्हेंटचे खास फोटो-

स्पायडरमॅन कलाकारांसोबत दिसले शाहरुख आणि सलमान
सोशल मीडियावर एक छायाचित्र व्हायरल होत आहे, ज्यामध्ये शाहरुख आणि सलमान कार्यक्रमादरम्यान टॉम हॉलंड, झेंडाया आणि नीता अंबानी यांच्यासोबत पोज देताना दिसत आहेत. तसेच, विशेष बाब म्हणजे या फोटोमध्ये ऐश्वर्या राय बच्चन आणि तिची मुलगी आराध्या बच्चन यांचीही झलक दिसत आहे. मात्र, दोघीही या सेलिब्रिटींसोबत फोटो काढत नाहीयेत. तर त्या या फ्रेममध्ये दिसत आहेत.

रेखा यांनी अमिताभ यांच्या नातीचे केले लाड
फॅशन डिझायनर मनीष मल्होत्राने या कार्यक्रमाचे फोटो सोशल मीडियावर शेअर केले आहेत. या फोटोंमध्ये अमिताभ बच्चन यांची सून ऐश्वर्या आणि नात आराध्या दिग्गज अभिनेत्री रेखासोबत दिसत आहेत. फोटोंमध्ये रेखा आराध्याला मिठी मारताना दिसत आहेत. नेटकरी या पोस्टवर कमेंट करत आहेत. रेखा यांचा नेटकऱ्यांनी आराध्याची आजी असा उल्लेख केला आहेत.

टॉम हॉलंडने मानले अंबानी कुटुंबाचे आभार
स्पायडर-मॅन फेम अभिनेता टॉमचा फोटो चर्चेत आहे, ज्यामध्ये टॉम मुकेश अंबानींसोबत हस्तांदोलन करताना दिसत आहे. हा फोटो टॉमने स्वतः त्याच्या इन्स्टाग्राम हँडलवर शेअर केला आहे. ही पोस्ट समोर आल्यानंतर लोकांनी त्यावर बरेच मीम्स तयार केले.

गिगीने शाहरुख आणि ऐश्वर्यासोबतचा फोटो शेअर केला
सुपरमॉडेल गिगी हदीदने तिच्या सोशल मीडिया हँडलवर कार्यक्रमाचे अनेक फोटो शेअर करून अंबानी कुटुंबाचे आभार मानले आहेत. यातील काही फोटोमध्ये ती ऐश्वर्या, आराध्या बच्चन आणि शाहरुखसोबत दिसत आहे. याशिवाय गिगीने एक ब्लॅक अँड व्हाईट फोटो शेअर केला आहे, ज्यामध्ये ती झेंडाया, टॉम हॉलंड, लॉ रोच आणि पेनेलोप क्रूझसोबत दिसत आहे.

कुटुंबासह शाहरुख खान
कार्यक्रमादरम्यान शाहरुख कुटुंबासोबत मीडियासमोर दिसला नाही. परंतु या कार्यक्रमातील एक इनसाइड फोटो समोर आला आहे. ज्यात शाहरुख सुहाना, आर्यन आणि गौरीसोबत दिसतोय.

'स्पायडरमॅन' कलाकारांसोबत करिश्मा कपूर
करिश्मा कपूरने तिच्या इन्स्टाग्राम हँडलवर इव्हेंटचे फोटो शेअर केले आहेत, ज्यामध्ये ती टॉम हॉलंड आणि झेंडायासोबत पोज देताना दिसत आहे. करिश्माच्या फोटोंना सोशल मीडियावर खूप पसंती दिली जात आहे.

पाहा पार्टीचे इतर काही खास फोटो....