फिफा वर्ल्ड 2022 मध्ये नोराचा दमदार परफॉर्मन्स:व्हिडिओ पाहून चाहत्यांनी केले कौतुक, म्हणाले- नोराने इव्हेंटमध्ये ओतला जीव

फिफा वर्ल्डकप 2022 चा अंतिम सामना अर्जेंटिना आणि फ्रान्स यांच्यात झाला. जगाच्या नजरा या सामन्याकडे लागल्या होत्या. तब्बल 38 वर्षांनंतर अर्जेंटिनाने फिफा विश्वचषक जिंकला आहे. फिफाची क्रेझ बॉलिवूड स्टार्समध्येही पाहायला मिळाली. यावेळी अभिनेत्री आणि गायिका नोरा फतेहीने सोहळ्यात दमदार परफॉर्मन्स दिला. नोराचा हा डान्स व्हिडिओ सोशल मीडियावर खूप पसंत केला जात आहे. फिफा विश्वचषकाच्या समारोप समारंभात परफॉर्म करणारी नोरा एकमेव भारतीय स्टार बनली आहे. परफॉर्म करण्यासाठी नोरा स्टेजवर पोहोचली तेव्हा स्टेजवरील वातावरण पाहण्यासारखे होते. चाहते सोशल मीडियावर तिचे कौतुक करताना थकत नाहीयेत.

ब्लॅक आउटफिटमध्ये दिसली नोरा
रविवारच्या सामन्याच्या क्लोजिंग सेरेमनीत नोराने परदेशी कलाकार बाल्किस, रहमा रियाद आणि मनाल यांच्यासोबत लाइट द स्काय या गाण्यावर सादरीकरण केले. यादरम्यान नोरा ऑल ब्लॅक आउटफिटमध्ये स्टनिंग दिसली. तिचा लाईव्ह परफॉर्मन्स पाहून चाहते खूप खुश झाले. सोशल मीडियावर एका यूजरने लिहिले- 'क्लोजिंग सेरेमनीत नोरा फतेहीला लाईव्ह डान्स करताना पाहून खूप आनंद झाला.' आणखी एका चाहत्याने लिहिले- 'नोरा फतेही आणि दीपिका पदुकोण या दोघी या फायनल सोहळ्याचे जीव होत्या.'

नोराने इव्हेंटचे फोटो शेअर केले आहेत

नोराने या खास क्षणाचा फोटोही सोशल मीडियावर शेअर केले आणि त्याला कॅप्शन दिले – 'FIFA क्लोजिंग सेरेमनी.' याआधी नोराने वर्ल्ड कपच्या ओपनिंग सेरेमनीमध्येही परफॉर्म केले होते.

हा सामना पाहण्यासाठी अनेक सेलिब्रिटी पोहोचले होते

फिफा विश्वचषकाचा ऐतिहासिक सामना पाहण्यासाठी शाहरुख खान, दीपिका पदुकोण, नोरा फतेही, करिश्मा कपूर, रवीना टंडन आणि कार्तिक आर्यनसह अनेक स्टार्स येथे पोहोचले होते.