आपल्या शहरातील ताज्या बातम्या आणि ई-पेपर मिळवा मोफत

Install App
  • Marathi News
  • Entertainment
  • Bollywood
  • On Shovik's Arrest, Vikas Singh Said: The Fear Of Family Proved To Be True, The News Of The Mother Being Mentally Ill Is Baseless; Sushant's Doctors Also Questioned

रियाच्या भावाच्या अटकेवर प्रतिक्रिया:सुशांतच्या वडिलांचे वकील म्हणाले - मुंबई पोलिसांना काहीतरी लपवायचे होते, या प्रकरणात अनेक अँगल आहेत; सुशांतच्या डॉक्टरांवरही प्रश्न उपस्थित केले

मुंबई20 दिवसांपूर्वी
  • कॉपी लिंक
विकास सिंह शनिवार एका पत्रकार परिषदेत बोलत होते.
  • विकास सिंह यांनी सुशांतच्या डॉक्टरांनी माध्यमांना दिलेल्या मुलाखती या नियमाविरूद्ध असल्याचे म्हटले आहे
  • ते म्हणाले- एनसीबीकडून शोविकला अटक करणे म्हणजे कुटुंबाची भीती बरोबर असल्याचे सिद्ध झाले

अभिनेता सुशांत सिंह राजपूत मृत्यू प्रकरणात रिया चक्रवर्तीचा भाऊ शोविक चक्रवर्ती आणि सुशांतचा हाऊस मॅनेजर सॅम्युअल मिरांडा यांना शुक्रवारी रात्री नार्कोटिक्स कंट्रोल ब्यूरोने अटक केली आहे. या दोघांच्या अटकेनंतर सुशांतच्या वडिलांचे वकील विकास सिंह यांनी प्रतिक्रिया दिली आहे. त्यानी मुंबई पोलिसांच्या चौकशीवरही प्रश्नचिन्ह उभे केले आहे. अभिनेत्याच्या डॉक्टरांनी मीडिया चॅनलला दिलेल्या मुलाखती या नियमाविरूद्ध असल्याचे त्यांनी सांगितले. याशिवाय सुशांतची आई मानसिकरीत्या आजारी असल्याच्या बातम्या खोट्या असल्याचे त्यांनी म्हटले आहे.

  • कुटुंबाची भीती खरी ठरली

वकील विकास सिंह म्हणाले - एनसीबीच्या अटक कारवाईनंतर सुशांतच्या कुटुंबीयांना वाटत असलेली भीती खरी ठरली आहे. मुंबई पोलिस काहीतरी लपवत आहेत, असा संशय सुरुवातीपासून सुशांतच्या कुटुंबीयांनी व्यक्त केला आहे. तो खरा ठरला आहे. जसजसा या प्रकरणाचा तपास पुढे सरकेल, तशा अनेक गोष्टी उघड होती, असे ते म्हणाले आहेत.

  • मानसोपचारतज्ज्ञांवरही प्रश्न उपस्थित केले

विकास सिंह यांनी सुशांतच्या मानसिक आरोग्याविषयी टीव्ही चॅनेल्सवर बसून चर्चा करणा-या मानसोपचारतज्ज्ञांवरही प्रश्न उपस्थित केले आहेत. ते म्हणाले की, मेडिकल कौन्सिल ऑफ इंडियाचे काही नियम आहेत, ज्याअंतर्गत कोणताही डॉक्टर आपल्या रूग्णाचे मानसिक आरोग्याविषयी सर्वांसमोर बोलू शकत नाही. सुशांतच्या बाबतीत, कोणताही डॉक्टर हे करू शकत नाही. सुशांत आता आपल्यात नाही. जर कुणालाही सुशांतविषयी काही मांडायचे असेल तर त्यांनी सर्वप्रथम लीगल हेड म्हणजे सुशांतच्या वडिलांची परवानगी घ्यायला हवी.

  • सुशांतच्या आईचे मानसिक आरोग्य ठिक नसल्याच्या बातम्या बिनबुडाच्या आहेत

विकास सिंह म्हणाले की, सुशांतच्या आईचे निधन मानसिक आरोग्य ठिक नसल्याने झाल्याचे अनेक डॉक्टर म्हणत आहेत. पण हे चुकीचे आहे. त्यांचे निधन ब्रेन हॅमरेजमुळे झाले होते, असा खुलासा त्यांनी केला.

  • इटॅलियन हॉटेलमध्ये पेंटिंग पाहिल्यानंतर तब्येत बिघडल्याची थ्योअरी नाकारली

याशिवाय इटलीमधील एका हॉटेलमधील एक पेटिंग बघितल्यानंतर सुशांतचे मानसिक आरोग्य खूप बिघडले होते असा दावा रिया चक्रवर्तीने केले होता. तिने सांगितल्यानुसार, गोया नावाच्या एका प्रसिद्ध चित्रकाराचे पेंटिंग तिथे होते. ज्यात एक राक्षस एका मुलाला खातानाचे चित्र रेखाटले होते. ती पेंटिंग पाहून सुशांत खूप घाबरला होता आणि त्याला त्या पेंटिंगमधले भूत दिसत होते, असे रिया म्हणाली होती. विकास सिंह यांनी सांगितले की, आमच्या टीमने तिथे चौकशी केली असता, तिथे तसे कुठलेही पेटिंग आढळले नाही. जर ती पेटिंग असली तरीही आजच्या काळात त्यापासून मानसिक आजार होत नाही. जूनमध्ये घडलेल्या या घटनेचा याच्याशी काहीही संबंध नाही, असे सिंह यांनी म्हटले आहे.