आपल्या शहरातील ताज्या बातम्या आणि ई-पेपर मिळवा मोफत

डाउनलोड करा

वाढदिवस ब्युटी क्वीनचा:मेकअपशिवायही खूप सुंदर दिसते साई पल्लवी, फेअरनेस क्रीमची 2 कोटींची जाहिरातही नाकारली

13 दिवसांपूर्वी
  • कॉपी लिंक

सर्वात सुंदर अभिनेत्री म्हणून ओळखली जाणारी साई पल्लवीचा आज 30 वा वाढदिवस आहे. साई दाक्षिणात्य सिनेसृष्टीतील ती अभिनेत्री आहे, जिचा फोटो सोशल मीडियावर पोस्ट होताच तुफान व्हायरल होतो. ती तिच्या साधेपणाने चाहत्यांना चांगलीच भुरळ पाडते.

साई पल्लवी सेंथामारायाचा जन्म तामिळनाडूमधील कोटागिरी, निलगिरी जिल्ह्यातील बडागा कुटुंबात झाला. तिच्या वडिलांचे नाव सेंथामराय कन्नन आणि आईचे नाव राधा आहे. सईचे पालनपोषण आणि शिक्षण कोईम्बतूर येथे झाले.

'प्रेमम' चित्रपटातून सिनेसृष्टीत पदार्पण
साई जर अभिनेत्री बनली नसती तर आज ती कार्डिओलॉजिस्ट झाली असती. खरंतर साईला कधीच अभिनेत्री व्हायचं नव्हतं पण कदाचित तिच्या नशिबात वेगळंच काही लिहिले गेले होते. 2014 मध्ये ती शिकत असतानाच तिला 'प्रेमम' चित्रपटात 'मलार'च्या भूमिकेसाठी ऑफर मिळाली.

साईने ही ऑफर स्वीकारली आणि इथून तिच्या अभिनय कारकिर्दीला सुरुवात झाली. यानंतर तिचा 'काली' हा मल्याळम चित्रपटही खूप गाजला आणि साईदेखील चांगलीच चर्चेत आली.

16 चित्रपटांमध्ये केले आहे

आत्तापर्यंत पल्लवीने केवळ 16 चित्रपटांमध्ये काम केले आहे आणि इतक्या कमी कालावधीत तिने मोठे स्थान निर्माण केले आहे. प्रेमम आणि फिदा या चित्रपटांसाठी तिला 'फिल्मफेअर अवॉर्ड'ही मिळाला आहे. तसेच, फोर्ब्स इंडियाच्या टॉप 30 मध्ये तिचे नाव समाविष्ट होते.

साई तिच्या नृत्य कौशल्यासाठीही ओळखली जाते

तिच्या उत्कृष्ट अभिनयाव्यतिरिक्त, साई पल्लवी तिच्या नृत्य कौशल्यासाठी देखील ओळखली जाते. ती किती छान नृत्य करते हे तिच्या नृत्यकौशल्याची चाहत्यांना चांगलीच कल्पना आहे. तिला नृत्य करण्याची प्रेरणा तिच्या आईकडून मिळाली, ज्याबद्दल ती तिच्या मुलाखतींमध्ये अनेकदा सांगते.

जेव्हा साईने पहिल्यांदा तिच्या आईला तिच्या नृत्याच्या आवडीबद्दल सांगितले तेव्हा तिच्या आईने माधुरी दीक्षित आणि ऐश्वर्या राय या अभिनेत्रींची गाणी वाजवून तिला प्रोत्साहन दिले.

मेकअपविना चित्रपटांमध्ये दिसते साई

साई पल्लवी विना मेकअप चित्रपटांमध्ये दिसते. यामुळे ती सिनेप्रेमींमध्येही प्रचंड लोकप्रिय आहे. साई पल्लवी तिच्या पहिल्या 'प्रेम' चित्रपटात विना मेकअप दिसली होती.

फेअरनेस क्रीमची दोन कोटींची जाहिरात नाकारली

साईने फेअरनेस क्रीमची दोन कोटींची जाहिरात नाकारली आहे. सौंदर्यप्रसाधनांच्या तिच्या नापसंतीबद्दल बोलताना पल्लवी म्हणाली होती की, ती कधीही सुंदर दिसण्यासाठी मेकअप वापरत नाही आणि लोकांना गोंधळात टाकणाऱ्या कोणत्याही गोष्टीच्या जाहिरातीचा भाग बनू इच्छित नाही. साईच्या मते, जे नैसर्गिक आहे ते चांगले आहे.

बातम्या आणखी आहेत...