मुहूर्त:राघव चढ्ढा-परिणिती चोप्राची आज एंगेजमेंट; दिल्लीच्या कपूरथला हाऊसमध्ये घालणार रिंग; पार्टीसाठी निवडली बॉलिवूड थीम

आम आदमी पार्टीचे नेते-खासदार राघव चढ्ढा आणि बॉलिवूड अभिनेत्री परिणीती चोप्रा आज म्हणजेच शनिवारी दिल्लीत एंगेजमेंट करणार आहेत. हा कार्यक्रम कपूरथला हाऊस, दिल्ली येथे होणार आहे.

दिल्लीत बॉलीवूड थीमवर आधारित पार्टीमध्ये राघव चड्ढा डिझायनर पवन सचदेवाचा अचकन परिधान करणार आहे, तर परिणीती चोप्रा बॉलीवूड स्टार्स डिझायनर मनीष मल्होत्राच्या डिझायनर ड्रेसमध्ये दिसणार आहे. पंजाब आणि दिल्लीतील आम आदमी पक्षाचे वरिष्ठ नेते या पार्टीत दिसणार आहेत, तर परिणीतीची चुलत बहीण प्रियांका चोप्रा देखील अनेक बॉलिवूड सेलिब्रिटींसोबत पार्टीत पोहोचण्याची शक्यता आहे.

याआधीही दोघांना अनेक वेळा एकत्र पाहण्यात आले

नुकतेच हे कपल डिनर डेटवर दिसले. दोघेही एका रेस्टॉरंटमधून बाहेर पडताना दिसले. परिणीती काळ्या रंगाच्या आउटफिटमध्ये तर राघव काळ्या रंगाची पँट आणि कॅज्युअल शर्टमध्ये दिसले. यानंतरच दोघांनी गुपचूप लग्न केल्याची अफवा पसरली होती, मात्र परिणीतीने या वृत्ताला फेटाळले होते.

यानंतर दोघेही कधी लंडन तर कधी मुंबईत एकमेकांसोबत दिसले. पंजाब आणि मुंबई यांच्यातील आयपीएल सामना पाहण्यासाठी दोघेही मोहालीला पोहोचले होते.

पार्टीचे वेळापत्रक असे

मिळालेल्या माहितीनुसार, सायंकाळी 5 वाजल्यापासून हा कार्यक्रम सुरू होणार आहे. सर्वप्रथम सुखमणी साहिबचे पठण केले जाईल. यानंतर प्रार्थना होईल आणि नंतर सगाई होईल. जेवणाचा कार्यक्रम ठेवण्यात आला आहे. कुटुंब आणि जवळच्या मित्रांसह सुमारे 150 लोकांना आमंत्रित केले आहे. त्यात दिल्लीचे मुख्यमंत्री आणि आम आदमी पार्टीचे सुप्रीमो अरविंद केजरीवाल आणि पंजाबचे मुख्यमंत्री भगवंत मान यांचाही समावेश आहे.

चमकीला चित्रपटात दिसणार परिणीती
राघव चढ्ढा हे 'आप'मधील प्रसिद्ध नाव आहे. तर परिणीती चोप्राने बॉलिवूडमध्ये अनेक हिट चित्रपट दिले आहेत. ती सध्या इम्तियाज अली दिग्दर्शित चमकीला या चित्रपटात दिलजीत दोसांझसोबत स्क्रीन शेअर करताना दिसणार आहे. हा चित्रपट पंजाबी गायक अमर सिंह चमकिला यांच्यापासून प्रेरित असल्याचे सांगितले जात आहे.