आपल्या शहरातील ताज्या बातम्या आणि ई-पेपर मिळवा मोफत

डाउनलोड करा

'पठाण' वादावर सेन्सॉर बोर्डाचा मोठा निर्णय:10 सीन्स आणि काही डायलॉग्स बदलण्याचे आदेश, 25 जानेवारीला प्रदर्शित होणार चित्रपट

25 दिवसांपूर्वी
  • कॉपी लिंक

शाहरुख खान आणि दीपिका पदुकोण स्टारर 'पठाण' हा चित्रपट रिलीजपूर्वीच वादात सापडला आहे. वाढत्या वादाच्या पार्श्वभूमीवर सेन्सॉर बोर्ड ऑफ फिल्म सर्टिफिकेशन (CBFC) ने या चित्रपटातील सुमारे 10 दृश्ये बदलण्याचे आदेश दिले आहेत. याशिवाय काही संवादही बदलण्यात आले आहेत। खरं तर जेव्हापासून या चित्रपटाचा टिझर आणि पहिले गाणे गाणे रिलीज झाले तेव्हापासून या चित्रपटावरुन बराच गदारोळ सुरू झाला आहे. 'बेशरम रंग' या गाण्याच्या बोलांवर तर काहींनी दीपिका पदुकोणच्या बिकिनीच्या रंगाच्या बिकिनीवरुन आक्षेप घेतला. या वादांमुळेच सेन्सॉर बोर्डाने हा महत्त्वाचा निर्णय घेतला आहे.

हे शब्द चित्रपटात बदलण्यात आले आहेत
बॉलिवूड हंगामाच्या रिपोर्टनुसार, या चित्रपटातील 'रॉ' हा शब्द बदलून 'हमारे' आणि 'लंगडे लुले'ऐवजी 'टूटे फुटे', 'PM' या शब्दाऐवजी 'राष्ट्रपती किंवा मंत्री' हे शब्द वापरले जाणार आहेत. याशिवाय 'पीएमओ' हा शब्द 13 स्थानावरून काढून टाकण्यात आला आहे. इतकेच नाही तर 'अशोक चक्र'ला 'वीर पुरस्कार', 'पूर्व केजीबी'ऐवजी 'पूर्व एसबीयू' आणि 'मिसेस भारतमाता' बदलून 'हमारी भारतमाता' करण्यात आले आहे. याशिवाय 'स्कॉच' ऐवजी 'ड्रिंक' हा शब्द वापरला जाईल आणि 'ब्लॅक प्रिझन, रुस' याऐवजी ऐवजी आता फक्त 'ब्लॅक प्रिझन' हा शब्द प्रेक्षकांना ऐकायला मिळणार आहे.

अनेक दिवसांपासून वाद सुरू आहे

पठाण चित्रपटातील 'बेशरम रंग...' हे गाणे रिलीज झाल्यापासूनच वादाला तोंड फुटले आहे. या गाण्यात शाहरुख खान आणि दीपिका पदुकोण यांनी बरेच बोल्ड सीन्स दिले आहेत. या गाण्यात दीपिकाने भगवा रंगाची बिकिनी घातली आहे, त्यामुळे चित्रपटाला विरोध होत आहे. हे गाणे पाहिल्यानंतर सेन्सॉर बोर्डाने हे गाणे पास का केले, असा सवाल उपस्थित केला जातोय.

'पठाण'चे हक्क 100 कोटींना विकले गेले आहेत
शाहरुख खान चार वर्षांनी 'पठाण' या चित्रपटाद्वारे मुख्य भूमिकेत कमबॅक करत आहेत. तो शेवटचा 2018 मध्ये आलेल्या 'झिरो' चित्रपटात दिसला होता. हा चित्रपट बॉक्स ऑफिसवर फ्लॉप ठरला होता. या चार वर्षांत तो 'ब्रह्मास्त्र', 'लाल सिंग चढ्ढा' आणि 'रॉकेट्री' सारख्या चित्रपटांमध्ये कॅमिओ रोलमध्ये झळकला. या चित्रपटाचे बजेट सुमारे 250 कोटी असल्याचे सांगितले जात आहे. वृत्तानुसार, चित्रपटाने रिलीज होण्यापूर्वीच चांगली कमाई केली आहे. चित्रपटाचे मीडिया हक्क जवळपास 100 कोटींना विकले गेले आहेत, त्यामुळे या चित्रपटाने आधीच निम्मा निर्मिती खर्च वसूल केला आहे. सिद्धार्थ आनंद दिग्दर्शित हा चित्रपट 25 जानेवारी 2023 रोजी प्रदर्शित होणार आहे. या चित्रपटात शाहरुख आणि दीपिकाशिवाय जॉन अब्राहम देखील मुख्य भूमिकेत दिसणार आहे.

  • 10 जानेवारीला येणार 'पठाण'चा बहुप्रतिक्षित ट्रेलर:निर्मात्यांनी बनवली खास स्ट्रॅटेजी, चित्रपटाच्या शीर्षकात कोणताही बदल होणार नाही

शाहरुख खानच्या बहुप्रतिक्षित ‘पठाण’ या चित्रपटाचा ट्रेलरची प्रतिक्षा आता लवकरच संपणार आहे. येत्या 10 जानेवारीला चित्रपटाचा ट्रेलर प्रेक्षकांच्या भेटीला येणार आहे. मीडिया रिपोर्ट्सनुसार 'पठाण'चा ट्रेलर 2 मिनिटे 37 सेकंदांचा असणार आहे. ट्रेलरमध्ये अॅक्शन सीक्वेन्स, म्युझिक आणि हिरोइझमचा परिपूर्ण मसाला असेल असे सांगण्यात येत आहे. ट्रेलरमध्ये शाहरुख खान आणि जॉन अब्राहम यांच्यात टक्कर पाहायला मिळेल असा अंदाज वर्तवला जातोय. वाचा सविस्तर...

  • 2023 मध्ये 20पेक्षा जास्त बिग बजेट चित्रपट:पठाण, आदिपुरुष आणि डंकी होणार रिलीज; OTT वर मिर्झापूर, महाराणी, फॅमिली मॅनचे तिसरे पर्व

2022 हे वर्ष बॉलिवूडसाठी तसे निराशाजनकच गेले. आता 2023 कडून मनोरंजनसृष्टीला मोठ्या आशा आहेत. यावर्षी चित्रपटगृहांत 20 हून अधिक बिग बजेट चित्रपट प्रेक्षकांच्या भेटीला येणार आहेत. याची सुरुवात होणारेय शाहरुख खान आणि दीपिका पदुकोणच्या 'पठाण'पासून. तर वर्षाचा शेवटदेखील शाहरुखच्याच 'डंकी'ने होणारेय. सलमान खान, अक्षय कुमार, जॉन अब्राहम, रणबीर कपूर आणि कार्तिक आर्यन यांच्या चित्रपटांचाही रिलीज चार्टमध्ये समावेश आहे. दुसरीकडे 2023 हे वर्ष OTT साठी देखील अतिशय खास असणार आहे. यावर्षी 4 मोठ्या हिट वेब सिरीजचा तिसरा सीझन येणार आहे. यामध्ये मिर्झापूर, फॅमिली मॅन, महाराणी आणि आर्या यांचा समावेश आहे. प्रदीर्घ प्रतिक्षेनंतर बंदिश बँडिट्स आणि असुरचा दुसरा सीझनही येऊ शकतो. 2023 या वर्षात प्रेक्षकांना चित्रपटगृह आणि OTT वर कोणती मेजवानी मिळणार आहे, ते जाणून घेऊया...

बातम्या आणखी आहेत...