आशीर्वाद:प्रिती झिंटा पतीसह दलाई लामांच्या भेटीला, IPLसाठी धर्मशाळात आली होती, इन्स्टावर शेअर केले फोटो

IPL 2023 मध्ये पंजाब किंग्जला सपोर्ट करण्यासाठी प्रीती झिंटा सध्या भारतात आहे. दरम्यान, तिने पती जीन गुडइनफसह धर्मशाळा येथे दलाई लामा यांची भेट घेतली आहे. स्वतः प्रितीने सोशल मीडियावर फोटो शेअर करून ही माहिती दिली आहे. या फोटोंमध्ये दोघेही दलाई लामांसोबत दिसत आहेत.

फोटो पहा....

'धर्मशाळा येथे दलाई लामांची भेट म्हणजे सर्वस्व'

ही छायाचित्रे शेअर करताना प्रितीने कॅप्शनमध्ये लिहिले की, 'धर्मशाळामध्ये आयपीएल संपवणे माझ्या अपेक्षेप्रमाणे नव्हते, परंतु धर्मशाळा येथे परमपूज्य दलाई लामा यांना भेटण्याची माझी इच्छा होती. आम्हाला त्याच्याबरोबर थोडा वेळ घालवायला मिळाला याबद्दल मी त्यांची आभारी आहे. त्यांनी आम्हाला ज्ञानामृत दिले.'

प्रितीने स्ट्रीट फूड खाल्ले

प्रितीने तिच्या इंस्टाग्रामवर आणखी एक पोस्ट शेअर केली आहे. या फोटोमध्ये प्रीती हसत हसत कारमध्ये बसून स्ट्रीट फूडचा आस्वाद घेत आहे.फोटोमध्ये प्रीतीच्या हातात दहीपुरी भरलेली प्लेट दिसत आहे. हा फोटो शेअर करत अभिनेत्रीने कॅप्शनमध्ये लिहिले की, 'परत आल्यानंतरचा फर्स्ट स्टॉप'.

प्रीती झिंटा चित्रपटसृष्टीपासून दूर आहे

गेल्या काही वर्षांपासून प्रीती झिंटाने स्वत:ला चित्रपटांपासून दूर ठेवले आहे. सध्या ती पंजाब किंग्जची सहमालक म्हणून आयपीएलमध्ये संघाला सपोर्ट करत आहे. वर्क फ्रंटवर, प्रीती शेवटची सनी देओल, अर्शद वारसी यांच्यासोबत भैयाजी सुपरहिटमध्ये दिसली होती. तिने 2016 मध्ये एका व्यावसायिकाशी लग्न केले. लग्नानंतर, ती लॉस एंजेलिसमध्ये तिचा पती आणि जुळी मुले, जय आणि मुलगी जियासोबत राहते.