आपल्या शहरातील ताज्या बातम्या आणि ई-पेपर मिळवा मोफत

डाउनलोड करा

रणबीरच्या शिक्षकाच्या भूमिकेत अमिताभ:शाहरुख चित्रपटात बनणार शास्त्रज्ञ, अग्नी-पाण्याचा रक्षक बनण्यासाठी या सेलेब्सनी केले ट्रान्सफॉर्मेशन

25 दिवसांपूर्वी
  • कॉपी लिंक

रणबीर कपूरचा बहुप्रतिक्षित ब्रह्मास्त्र हा चित्रपट 9 सप्टेंबर रोजी थिएटरमध्ये रिलीज होणार आहे. अयान मुखर्जीने या चित्रपटाचे दिग्दर्शन केले आहे. 410 कोटींच्या बिग बजेटमध्ये बनलेल्या या चित्रपटात VFX वर 150 कोटी रुपये खर्च करण्यात आले आहेत. या चित्रपटात रणबीरशिवाय आलिया भट्ट, मौनी रॉय, अमिताभ बच्चन आणि नागार्जुन दिसणार आहेत. रिपोर्ट्सनुसार, या पात्रांशिवाय दीपिका पदुकोण आणि काजोल देखील चित्रपटात झळकणार असल्याची चर्चा. मात्र, या चित्रपटातील दोन्ही अभिनेत्रींच्या एंट्रीबाबत निर्मात्यांकडून कोणतीही अधिकृत घोषणा करण्यात आलेली नाही.

ट्रेलरमध्ये, सर्व स्टारकास्टच्या लूकमध्ये जबरदस्त ट्रान्सफॉर्मेशन बघायला मिळाले. त्याची चाहत्यांमध्ये खूप चर्चा आहे. पाहुया चित्रपटातील स्टारकास्टचा लूक -

रणबीर कपूर

या चित्रपटात रणबीर कपूर एका खास भूमिकेत दिसणार आहे. या चित्रपटात रणबीरने शिवाची भूमिका साकारली आहे. शिवामध्ये अशी शक्ती आहे, जी जगाला वाईट शक्तींपासून वाचवू शकते.

आलिया भट्ट​​​​​​​

या चित्रपटात आलियाही मुख्य भूमिकेत दिसणार आहे. चित्रपटात आलिया एका सामान्य मुलीची ईशाची भूमिका साकारणार आहे, चित्रपटात ती शिवाची गर्लफ्रेंड आहे.

अमिताभ बच्चन

या चित्रपटात अमिताभ प्रोफेसर अरविंद चतुर्वेदी यांची भूमिका साकारत आहेत. या चित्रपटातील त्यांची व्यक्तिरेखा ब्रह्मदेवापासून प्रेरित आहे. ट्रेलरमध्ये अमिताभ रणबीरला वाईट शक्तींचा नाश करण्याचा संदेश देताना दिसत आहेत. त्यांचा हा लूक चाहत्यांना खूप आवडला आहे.

नागार्जुन​​​​​​​​​​​​​​

साऊथचे सुपरस्टार नागार्जुनही या चित्रपटात एका दमदार भूमिकेत दिसणार असून त्यांचे पात्र भगवान विष्णूशी जोडलेले आहे. चित्रपटाच्या पोस्टरमध्ये नागार्जुन हातात दैवी शक्ती धरलेले दिसत आहेत. या चित्रपटात नागार्जुन अनीशची भूमिका साकारणार आहे, जो नंदी अस्त्राचा रक्षक असतो.

मौनी रॉय

या चित्रपटात मौनी रॉय नकारात्मक भूमिकेत दिसणार आहे. ट्रेलरमध्ये मौनी भयावह लूकमध्ये दाखवण्यात आली आहे. लाल डोळ्यांची मौनी चित्रपटात अंधाराची राणी जुनूनची भूमिका साकारणार आहे. तिच्या या व्यक्तिरेखेला चाहत्यांची पसंती मिळत आहे.

शाहरुख खान

या चित्रपटात शाहरुख खानची छोटी भूमिका आहे. या चित्रपटात शाहरुख एका वैज्ञानिकाच्या भूमिकेत दिसणार आहे जो 'वानरास्त्र'चा रक्षक असतो. करण जोहरने नुकताच एक व्हिडिओ शेअर केला आहे ज्यामध्ये शाहरुख आगीशी खेळताना दिसत आहे.

बातम्या आणखी आहेत...