'करण जोहरमुळे करिनाची इमेज खराब':बहिणीच्या शोमध्ये रणबीर कपूरने केली जबरदस्त धमाल-मस्ती

अभिनेत्री करिना कपूर खान लवकरच तिच्या टॉक शो 'व्हाट वुमन वॉन्ट'च्या नवीन एपिसोडसह परतणार आहे. शोच्या नवीन सीझनमध्ये रणबीर कपूर, कपिल शर्मा, शेफाली शाह यांच्यासह अनेक सेलिब्रिटी पाहुणे दिसणार आहेत. निर्मात्यांनी 10 मार्च रोजी चॅट शोचा टीझर रिलीज केला. यामध्ये शोमध्ये सहभागी होणार्‍या सर्व सेलिब्रिटींची झलक दिसत आहे.

'मला सेल्फ रिस्पेक्ट अजिबात नाही'
शेअर केलेल्या प्रोमो व्हिडिओमध्ये रणबीर आणि करिना चर्चा करताना म्हणतात करण जोहर त्यांच्या खराब इमेजचे कारण आहे.

करीनाची मुले जेह आणि तैमूर यांच्याशी तुलना केल्यावर त्याला एकटेपणा जाणवतो, असेही रणबीर म्हणतो. त्याचे फोटो कोणी काढत नाही. रणबीर सांगतो की त्याला सेल्फ रिस्पेक्ट अजिबात नाही, त्याला कोणाचीही माफी मागायला कमीपणा वाटत नाही.

करिनाची कपिल शर्मासोबत धमाल-मस्ती
करिनाने कपिल शर्माला विचारले की, तो रोमँटिक आहे का, ज्यावर त्याने उत्तर दिले की मला दोन मुले आहेत आणि आम्ही ती डाउनलोड केलेली नाहीत. जेव्हा करिना म्हणते की अनेकांना असे वाटते की स्त्रिया फनी नसतात, तेव्हा तो म्हणतो की त्याची पत्नी गिन्नी खूप फनी आहे. कपिलने आपल्या मुलाशी संबंधित एक किस्सा शेअर केला. त्याचा मुलगा त्याच्या पत्नीला पापा म्हणतो, ज्यावर करिना म्हणते की मुले कधीही कोणालाही काहीही बोलू शकतात.

बेबोने इतर पाहुण्यांनाही विचारले प्रश्न
प्रोमोमध्ये रणबीर आणि कपिल व्यतिरिक्त, करिना शेफाली शाह, डिजिटल निहारिका नमह, मासूम मिनावाला आणि रणवीर अलाहाबादी यांच्याशी गप्पा मारताना दिसली. करिनाचा हा व्हिडिओ सोशल मीडियावर खूप पसंत केला जात आहे.