आपल्या शहरातील ताज्या बातम्या आणि ई-पेपर मिळवा मोफत

Install App

ADS Free बातम्या वाचण्यासाठी आताच इंस्टॉल करा दिव्य मराठी अ‍ॅप

रणबीरसाठी खास ठरला वर्षाचा पहिला दिवस:रणबीर कपूरच्या नवीन चित्रपटाची घोषणा, 'अ‍ॅनिमल'मध्ये दिसणार बाप-लेकाची इमोशनल कहाणी

4 महिन्यांपूर्वी
  • कॉपी लिंक
  • या चित्रपटाचे नाव 'अ‍ॅनिमल' असे आहे.

2021 या नवीन वर्षाचा पहिला दिवस अभिनेता रणबीर कपूरसाठी अतिशय खास ठरला आहे. शाहिद कपूर स्टारर 'कबीर सिंह' या चित्रपटाचे दिग्दर्शक संदीप रेड्डी वांगा यांनी रणबीरसोबतच्या नवीन चित्रपटाची घोषणा केली आहे. 1 जानेवारी रोजी त्यांनी सोशल मीडियावर या चित्रपटाचा एक टीजर रिलीज करुन चित्रपटाचे शीर्षक सांगितले आहे. या चित्रपटाचे नाव 'अ‍ॅनिमल' असे आहे.

या चित्रपटात रणबीर कपूरसह अभिनेते अनिल कपूर यांची महत्त्वाची भूमिका आहे. अनिल यांनीही या चित्रपटाची घोषणा करत एक व्हिडिओ सोशल मीडियावर शेअर केला आहे. ज्यामध्ये चित्रपटाशी संबंधित माहिती दिली जात आहे. याशिवाय या व्हिडिओमध्ये रणबीरचा आवाज येतो आहे आणि तो म्हणत आहे की, 'पापा पुढच्या आयुष्यात तुम्हाला माझा मुलगा व्हायचं आहे, मग मी तुमच्यावर प्रेम कसे करतो हे पाहा. मग तुम्ही हे शिका कारण त्याच्या पुढच्या आयुष्यात मीच तुमचा मुलगा आणि तुम्हीच माझे वडील असाल.' या संवादावरुन चित्रपटात वडील-मुलाची इमोशनल बाँडिंग बघायला मिळेल, असा अंदाज व्यक्त केला जातोय.

अनिल आणि रणबीरसह बॉबी आणि परिणीती महत्त्वाच्या भूमिकेत
भूषण कुमार आणि कृष्ण कुमार यांच्या टी-सीरिज, प्रणय रेड्डी वांगाच्या भद्रकाली पिक्चर्स आणि मुराद खेतानींच्या सिने 1 स्टुडिओज अंतर्गत या चित्रपटाची निर्मिती केली जात आहे. या चित्रपटात रणबीर कपूर आणि अनिल कपूरशिवाय बॉबी देओल आणि परिणीती चोप्रा मुख्य भूमिकेत दिसणार आहेत. चित्रपटाचा टीजर व्हिडिओ शेअर करुन अनिल कपूर म्हणाले - ‘ओह बॉय! नवीन वर्ष या शिट्ट्यासारखा (व्हिडिओच्या बॅकग्राऊंडमध्ये जो आवाज ऐकू येतोय) अधिक चांगले जावे. हा प्रवास सुरु करण्यासाठी मी अजून प्रतीक्षा करु शकत नाही.'

बातम्या आणखी आहेत...