आपल्या शहरातील ताज्या बातम्या आणि ई-पेपर मिळवा मोफत

डाउनलोड करा

'लाडला'चे निर्माते नितीन मनमोहन यांना हृदयविकाराचा झटका:प्रकृती चिंताजनक, व्हेंटिलेटरवर ठेवण्यात आले

2 महिन्यांपूर्वी
  • कॉपी लिंक

बॉलिवूडचे प्रसिद्ध निर्माते आणि दिग्दर्शक नितीन मनमोहन यांना हृदयविकाराचा झटका आला आहे. त्यांच्यावर मुंबईतील कोकिलाबेन धीरूभाई अंबानी रुग्णालयात उपचार सुरू आहेत. नितीन मनमोहन हे गेल्या 2 दिवसांपासून डॉक्टरांच्या देखरेखीखाली असून, सध्या त्यांची प्रकृती चिंताजनक असल्याचे सांगण्यात येत आहे.

नितीन सध्या व्हेंटिलेटरवर आहेत

मीडिया रिपोर्ट्सनुसार, नितीन यांच्यावर औषधांचा सकारात्मक परिणाम होत आहे, मात्र अद्याप त्यांची प्रकृती धोक्याबाहेर नाही. त्यांच्या आरोग्याची माहिती देताना, त्यांच्या जवळच्या एका सूत्राने सांगितले की, 'सध्या त्यांची प्रकृती स्थिर आहे, परंतु त्यांना व्हेंटिलेटरवर ठेवण्यात आले आहे. त्यांच्यावर उपचार करत असलेल्या डॉक्टरांची टीम प्रयत्नांची पराकाष्ठा करत आहेत. ते लवकर बरे होतील अशी आशा आहे.'

सलमान खानचा हिट चित्रपट 'रेडी'चे निर्माते
नितीन मनमोहन हे प्रसिद्ध खलनायक मनमोहन यांचा पुत्र आहेत. 'ब्रह्मचारी', 'गुमनाम' आणि 'नया जमाना' सारख्या अनेक चित्रपटांत मनमोहन यांनी खलनायकाची साकारली होती. नितीन मनमोहन यांनी 'बोल राधा बोल', 'दस', 'लाडला', 'चल मेरे भाई', 'रेडी', 'शूल' यासह अनेक हिट चित्रपटांची निर्मिती केली आहे. ही बातमी समजल्यानंतर चाहत्यांपासून सेलिब्रिटींपर्यंत सर्वजण ते लवकरात लवकर बरे व्हावे यासाठी प्रार्थना करत आहेत.

बातम्या आणखी आहेत...