आपल्या शहरातील ताज्या बातम्या आणि ई-पेपर मिळवा मोफत

डाउनलोड करा

ललित पंडीत यांनी सांगितल्या बप्पी दांच्या आठवणी:ललित पंडीत म्हणाले - ते असे संगीत दिग्दर्शक होते, ज्यांची चित्रपटातील सर्व गाणी हिट ठरली

6 महिन्यांपूर्वी
  • कॉपी लिंक
  • बप्पी दा खूप हुशार होते - ललित पंडीत

बॉलिवूडचे डिस्को लिजेंड म्हटले जाणारे बप्पी लहरी आता आपल्यात नाही. 15 फेब्रुवारी रोजी वयाच्या 69 व्या वर्षी त्यांचे निधन झाले. संगीतकार ललित पंडित त्यांच्या आठवणी सांगताना म्हणाले, 'बप्पी दा हे आमचे कुटुंबातील सदस्य होते. आमचे पाच दशकांचे नाते आहे. त्यांना मी खूप आवडायचे. माझी बहीण सुलक्षणा पंडित हिने बप्पी दांसाठी अनेक गाणी गायली आहेत.'

पुढे त्यांनी सांगितले, 'नुकताच दिवाळीला मी त्यांच्या घरी गेलो होतो. प्रत्येक पूजा, वाढदिवस, गणपतीपूजा, लक्ष्मीपूजा, सरस्वती पूजेला ते मला फोन करायचे. ते एक अतिशय तत्त्वनिष्ठ व्यक्ती होते आणि संगीतकारदेखील खूप चांगले होते. लोक त्यांना सांगायचे की ते डिस्को किंग आहेत, पण माझ्या मते बप्पी दा एक अतिशय मधुर संगीतकार होते. किशोर कुमार यांची काही गाणी ऐका, जी त्यांनी संगीतबद्ध केली आहेत. 'चलते चलते...', 'प्यार मांगा है तुम्हीं से मैं न इनकार करो' त्यांची अशी अनेक मधुर गाणी आहेत जी कधीही जुनी होणार नाहीत."

बप्पी दा खूप हुशार होते

पंडित म्हणतात, "बप्पी दा हे असे संगीत दिग्दर्शक होते, ज्यांची चित्रपटातील सर्व गाणी हिट ठरली होती. सध्याच्या काळात चित्रपटातील सर्वच गाणी हिट ठरली असे सहसा ऐकायला मिळत नाही. अमिताभ बच्चन, जितेंद्र साहब, मिथुन दा, गोविंदा यांच्यावर चित्रीत झालेली गाणी ऐका... बप्पी दा एक मास्टर होते, ते एक प्रतिभाशाली व्यक्ती होते."

बप्पी दा स्वतः गिटार वाजवायचे
पंडित यांनी पुढे सांगितले, "ते कंप्लीट कंपोजर होते. ते स्वतः रिदम वाजवायचे, गिटार वाजवायचे. शांता प्रसादजींकडून त्यांनी तबला शिकला. त्यांच्या गाण्याच्या रचनेवरून ते एक परिपूर्ण संगीतकार असल्याचे दिसून आले. किशोर दा त्यांना खूप आवडायचे, ते त्यांना मामा म्हणायचे.'

'किशोर दांचेही त्यांच्यावर खूप प्रेम होते. त्यांनी किशोर दा यांच्या एका चित्रपटात कामदेखील केले होते. बप्पी दा हे अतिशय प्रतिभावान कलाकार होते. ते नेहमी चांगल्या गोष्टींचे कौतुक करत असे.'

बातम्या आणखी आहेत...