महेश भट्ट-रिया चक्रवर्तीचे नवीन व्हॉट्सअ‍ॅप चॅट:सुशांतचे घर सोडल्यानंतर रियाने लिहिले होते - 'तुम्ही मला पुन्हा वाचवले', सुशांतच्या मृत्यूनंतर भट्ट यांनी रियाला कॉल करण्यास सांगितले होते

मुंबई5 महिन्यांपूर्वी

कॉपी लिंक

यापूर्वी 8 जून रोजीचे दोघांचे चॅट व्हायरल झाले होते. त्यात भट्ट यांनी रियाला पुन्हा मागे वळून बघू नको, असा सल्ला दिला होता.
सुशांतच्या निधनानंतर 14 जून रोजी संध्याकाळी महेश भट्ट यांनी रिया चक्रवर्तीला दोन मिस्ड कॉल केले होते.

महेश भट्ट आणि रिया चक्रवर्ती यांच्यातील व्हाट्सअ‍ॅप चॅटचे आणखी काही नवीन स्क्रीन शॉट्स समोर आले आहेत. हे स्क्रीन शॉट 9 जून ते 15 जून या काळातील आहेत. रियाने 8 जून रोजी सुशांत सिंह राजपूतचे घर सोडले होते आणि 9 जून रोजी रात्री 10: 20 वाजता भट्ट यांना मेसेज केला होता, "माझे देवदूत, तुमच्याशिवाय मी काय करु शकले असते. आय लव्ह यू सर. तुम्ही मला पुन्हा एकदा वाचवले", अशा आशयाचा मेसेज रियाने भट्ट यांना केला होता. त्यावर रिप्लाय देताना भट्ट यांनी हात जोडलेला इमोजी शेअर केला आणि रियाने हार्ट इमोजीने त्यांचे आभार मानले होते.

सुशांतच्या मृत्यूनंतर महेश भट्ट यांचा रियाला मेसेज - मला कॉल कर

14 जून रोजी दुपारी सर्व न्यूज चॅनेल्स आणि वेबसाइट्सवर सुशांतच्या मृत्यूची बातमी ब्रेक झाल्यानंतर महेश भट्ट यांनी रियाला मेसेज केला होता. दुपारी 2:35 वाजता त्यांनी रियाला 'कॉल मी' (मला कॉल कर) असा मेसेज केला होता. त्यानंतर रियाचे त्यांच्याशी फोनवर बोलणे झाले होते की नाही, याचा खुलासा झाला नाही. मात्र संध्याकाळी 4:01 आणि 5: 13 वाजता रियाच्या फोनवर महेश भट्ट यांचे दोन व्हॉईस मिस्ड कॉल आले होते.

14 जून रोजी सकाळी 9:36 वाजता पासून सुरु झाली होती चॅटिंग

सुशांतच्या मृत्यूच्या आधी 14 जून रोजी सकाळी रियाने महेश भट्ट यांना पहिला मेसेज पाठवला होता. त्यात लिहिले होते, "गुड मॉर्निंग सर. मी सकाळच्या कोटमधून तुमच्या ऊर्जेच्या डेली डोसची मागणी करते, जी तुम्ही रोज व्हॉट्सअ‍ॅपवर पाठवता. जस्ट लव्ह यू." त्यावर रिप्लाय देताना भट्ट यांनी एक इंग्रजी कोट पाठविला, ज्याचा अर्थ आहे "भावना दाटलेल्या आकाशात ढगांप्रमाणे येत जात असतात. चैतन्य हे माझे अँकर आहे."

त्यानंतर रियाने हात जोडलेल्या इमोजीद्वारे त्यांचे आभार मानले. त्यानंतर महेश भट्ट यांनी लिहिले, "लव्ह यू चाईल्ड" आणि रियाने हार्टच्या इमोजीसह "लव्ह यू सर माय एंजल" असा रिप्लाय दिला होता. भट्ट आणि रिया यांच्यातील हे सर्व मेसेज सकाळी 9:36 ते सकाळी 10:05 या वेळेतील आहेत.

10 ते 13 जून दरम्यानचे संभाषण

10 जून रोजी, महेश भट्ट यांनी रियाला इंग्रजी कोट पाठवला, ज्याचे भाषांतर "आयुष्य जगावे लागते, ते नियंत्रित करु नये आणि निश्चित पराभवासमोर सतत खेळ सुरु ठेऊन मानवता जिंकली जाऊ शकते".
11 जून रोजीही भट्ट यांनी एक कोट पाठवला, ज्यात भाषांतर होते, "कधीकधी आपल्याला गोष्टी जशा आहेत तशा पहाण्यासाठी एक पाऊल मागे घ्यावे लागते, आणि मग दुसरे काहीतरी आणि नंतर काहीतरी." प्रत्युत्तरात रियाने लिहिले होते, "अगदी बरोबर. माझी नजर अजूनही ते व्हिजन परत मिळवण्यावर आहे. गुड मॉर्निंग."
महेश भट्ट यांनी 13 जून रोजीदेखील रियाला एक कोट पाठवला होता. तो असा - "वैयक्तिक सर्जनशीलता आणि स्वत: ची ओळख यांच्या बिया जोपासण्यात एकाकीपणाची महत्त्वपूर्ण भूमिका असते."

यापूर्वी व्हायरल झालेले 8 जून रोजीचे महेश भट्ट आणि रिया चक्रवर्ती यांचे मेसेज काय होते?

सुशांतने आत्महत्या करण्यापूर्वी 8 ऑगस्ट रोजी रिया चक्रवर्तीने सुशांतचे घर सोडले होते. त्यानंतर तिने महेश भट्ट यांना मेसेज केला होता. त्यांच्या चॅटचे स्क्रीनशॉट काही दिवसांपूर्वीच आले होते.

रियाने घर सोडल्यानंतर लगेचच महेश भट्ट यांना मेसेज करुन म्हटले होते की, ''जड अंतकरणाने आणि सुटकेचा निश्वास टाकत आएशा पुढची वाटचाल करत आहे''. आएशा हे रियाचे ‘जलेबी’ चित्रपटातील पात्राचे नाव आहे. महेश भट्ट या चित्रपटाचे निर्माता होते.
''आपला शेवटचा फोन मला जाग देणारा होता. तुम्ही माझ्यासाठी देवदूत आहात. तेव्हाही आणि आत्ताही'', असे पुढे तिने म्हटले होते. महेश भट्ट यांनी रियाच्या मेसेजला उत्तर दिले होते की, ''मागे वळून पाहू नकोस. जे अशक्य आहे ते शक्य कर. तुझे वडील आता आनंदी असतील.''
रियाने त्यावर, ''तुम्ही त्यादिवशी फोनवर मला माझ्या वडिलांबद्दल जे सांगितले त्यामुळे मला बळ मिळाले. त्यांनी तुमचे आभार मानले आहेत. माझ्यासाठी एक विशेष व्यक्ती राहिल्याबद्दल तुमचे आभार.'' पुढे भट्ट यांनी यावर म्हटले होते की, ''तू माझ्या मुलीसारखी आहेस. मला आता हलकं वाटतंय''. यावर रिया म्हणाली होती, ''माझ्याकडे शब्द नाहीत.''

अ‍ॅप उघडा

Our Divisions

This website follows the DNPA Code of Ethics.

फीडबॅक द्या

Open Divya Marathi in...

Divya Marathi App
Browser