कार्डियाक अरेस्टनेच सतीश कौशिक यांचा मृत्यू:पोस्टमॉर्टम रिपोर्टमधून खुलासा, फार्म हाऊसच्या 7 तासांच्या CCTV फुटेजचा तपास होणार

अभिनेते-दिग्दर्शक सतीश कौशिक यांच्या मृत्यूची चौकशी करणाऱ्या दिल्ली पोलिसांना पोस्टमॉर्टम रिपोर्ट मिळाला आहे. या अहवालानुसार कौशिक यांचा मृत्यू कार्डियक अरेस्टने झाला. हा अहवाल मिळाल्यानंतर पोलीस त्या फार्म हाऊसवर पोहोचले जिथे सतीश यांनी मृत्यूपूर्वी होळी पार्टीला हजेरी लावली होती. पोलिसांनी येथून सात तासांचे सीसीटीव्ही रेकॉर्डिंग ताब्यात घेतले आहे. तसेच, पार्टीच्या पाहुण्यांची यादी तपासली जात आहे.

याआधीही दिल्ली पोलीस शनिवारी याच फार्म हाऊसवर गेले होते. तेथे झडती घेतली असता पोलिसांना काही औषधे सापडली. जप्त केलेल्या औषधांमध्ये कोणतेही प्रतिबंधित औषध नसल्याचे नंतर समजले. पोलिसांना फार्म हाऊसच्या मालकाची चौकशी करायची होती, मात्र तो फरार आहे.

फार्म हाऊसचा मालकही एका प्रकरणात वॉन्टेड
वृत्तसंस्थेनुसार, एका उद्योगपतीच्या फार्म हाऊसवर होळी पार्टीचे आयोजन करण्यात आले होते. हा उद्योगपती पार्टीत उपस्थित होता आणि एका प्रकरणात तो स्वतः वॉन्टेड आहे. त्याची चौकशी करण्यासाठी पोलीस आले होते, मात्र तो सापडला नाही. त्याचा शोध सुरू असून पोलीस पार्टीत सहभागी झालेल्या पाहुण्यांची यादीही तपासत आहेत.

रुग्णालयातून पोलिसांना मृत्यूची बातमी मिळाली
मीडिया रिपोर्ट्सनुसार, पोलिसांचे म्हणणे आहे की सतीश यांच्या मृत्यूची बातमी हॉस्पिटलमधून मिळाली. पोलिसांचे म्हणणे आहे की, तब्येत बिघडल्याने कौशिक रुग्णालयात पोहोचले तेव्हा त्यांच्यासोबत कोण होते, त्याचे काय झाले? त्याची पडताळणी केली जात आहे. या लोकांची चौकशी केली जाईल. मृत्यूचे नेमके कारण जाणून घेण्यासाठी पोलीसही व्हिसेरा अहवालाची वाट पाहत आहेत.

सतीशचा यांचा जन्म हरियाणामध्ये झाला, शालेय शिक्षण दिल्लीतून
सतीश कौशिक यांचा जन्म 13 एप्रिल 1956 रोजी हरियाणातील महेंद्रगड येथे झाला. शालेय शिक्षण दिल्लीत झाले. किरोडीमल महाविद्यालयातून पदवी घेतल्यानंतर त्यांनी नॅशनल स्कूल ऑफ ड्रामा (NSD) मध्ये प्रवेश घेतला. 1985 मध्ये त्यांनी शशी कौशिकसोबत लग्न केले. त्यांच्या मुलाचे वयाच्या 2 ऱ्या वर्षी निधन झाले होते.

कौशिक यांचा पहिलाच चित्रपट ठरला फ्लॉप :1993 मध्ये सर्वाधिक बजेटच्या चित्रपटाचे दिग्दर्शन केले, मुलाच्या मृत्यूने कोलमडले

प्रसिद्ध अभिनेते, दिग्दर्शक, निर्माते आणि लेखक सतिश कौशिक यांनी वयाच्या 67 व्या वर्षी जगाचा निरोप घेतला. 13 एप्रिल 1967 रोजी महेंद्रगड, हरियाणात जन्मलेल्या सतिश यांचा चित्रपट प्रवास अनेक चढ-उतारांनी भरलेला होता. सविस्तर वाचा...