आपल्या शहरातील ताज्या बातम्या आणि ई-पेपर मिळवा मोफत
Install AppADS Free बातम्या वाचण्यासाठी आताच इंस्टॉल करा दिव्य मराठी अॅप
‘स्कूबी डू’ या लोकप्रिय कार्टूनचे निर्माता केन स्पीअर्स यांचे निधन झाले आहे. त्यांनीव वयाच्या 82 वर्षी अखेरचा श्वास घेतला. केन यांचा मुलगा केव्हीन याने त्यांच्या निधनाची दुःखद बातमी दिली. गेली काही वर्षे ते बॉडी डिमेंशिया या आजारामुळे त्रस्त होते. अमेरिकेतील एका खासगी रुग्णालयात उपचारादरम्यान त्यांची प्राणज्योत मालवली. त्यांच्या पश्च्यात केविन आणि क्रिस ही दोन मुले, दोन सूना, पाच नातू आणि तीन पणतू आहेत.
'Scooby-Doo' co-creator Ken Spears dies at 82
— Fandom (@getFANDOM) November 9, 2020
(via @Variety | https://t.co/LF0iGK8Yyf) pic.twitter.com/445aAiHkor
स्पीअर्स यांचा जन्म 12 मार्च 1938 मध्ये कॅलिफोर्निया येथे झाला होता. 1969 मध्ये केन स्पिअर्स यांनी जो रबी यांच्या मदतीने ‘स्कूबी डू’ या कार्टूनची निर्मिती केली होती. स्कूबी हा एक कुत्रा आहे. तो आपल्या मित्रमंडळींच्या मदतीने विविध प्रकारच्या रहस्यांचा उलगडा करतो. हे कार्टून आपल्या जबरदस्त पटकथेमुळे लोकप्रिय झाले. स्पीअर्स यांनी आयुष्याच्या शेवटापर्यंत या कार्टूनवर काम केले. ते एक उत्तम स्केच आर्टिस होते. त्यांनी 'डायनोमुट', 'जबरजॉ' ‘फांगफेस,’ ‘मिस्टर टी,’ आणि‘सेक्टॉर’ या सीरिज बनवल्या.
Copyright © 2020-21 DB Corp ltd., All Rights Reserved
This website follows the DNPA Code of Ethics.