आपल्या शहरातील ताज्या बातम्या आणि ई-पेपर मिळवा मोफत

डाउनलोड करा

पं. शिवकुमार शर्मा यांचे निधन:वयाच्या 84व्या वर्षी घेतला अखेरचा श्वास, राष्ट्रीय-आंतरराष्ट्रीय स्तरावर दिली संतुरला ओळख

12 दिवसांपूर्वी
  • कॉपी लिंक

प्रख्यात संतूर वादक पंडित शिवकुमार शर्मा यांचे आज मुंबईत हृदयविकाराच्या झटक्याने निधन झाले. पंडित शिवकुमार हे 84 वर्षांचे होते. गेल्या काही दिवसांपासून ते किडनीशी संबंधित आजाराने त्रस्त होते. गेल्या सहा महिन्यांपासून ते डायलिसिसवर होते. त्यांच्या निधनावर पंतप्रधान नरेंद्र मोदींनी शोक व्यक्त केला आहे.

पंतप्रधानांनी वाहिली श्रद्धांजली

पंतप्रधान मोदींनी ट्विट करून लिहिले आहे की, पंडित शिवकुमार शर्माजी यांच्या निधनाने आमचे सांस्कृतिक जग अपूर्ण झाले आहे. त्यांनी संतूरला जगामध्ये ओळख निर्माण करून दिली आणि लोकप्रिय केले. त्यांचे संगीत पुढील पिढ्यांना मंत्रमुग्ध करत राहील. त्याच्याशी माझे संभाषण मला चांगल्याप्रकारे आठवते. त्यांच्या कुटुंबियांना आणि चाहत्यांच्या संवेदना. । ओम शांती।

वयाच्या 5 व्या वर्षापासून संगीताचे धडे

पं. शिवकुमार शर्मा यांचा जन्म 13 जानेवारी 1938 रोजी जम्मू येथे झाला. त्यांचे वडील पं. उमदत्त शर्मा हे सुप्रसिद्ध गायक होते, संगीत त्यांच्या रक्तातच होते. पं. शर्मा यांचे संगीत शिक्षण वयाच्या पाचव्या वर्षी सुरू झाले. त्यांच्या वडिलांनी त्यांना सूर साधना आणि तबला या दोन्हीचे प्रशिक्षण देण्यास सुरुवात केली. वयाच्या 13 व्या वर्षी त्यांनी संतूर शिकायला सुरुवात केली. संतूर हे जम्मू-काश्मीरचे लोक वाद्य होते, त्याला आंतरराष्ट्रीय कीर्ती मिळवण्याचे श्रेय पं. शिवकुमार यांना जाते.

1955 मध्ये वयाच्या 17 व्या वर्षी पहिला शो

1955 मध्ये वयाच्या अवघ्या 17 व्या वर्षी पं. शिवकुमार शर्मा यांनी संतूर वादनाचा पहिला शो मुंबईत केला. यानंतर त्यांनी संतूरच्या तालावर संगीताच्या एका नव्या आवाजाची ओळख जगाला करून दिली. बासरीवादक पं.हरिप्रसाद चौरसिया यांना शास्त्रीय संगीतात साथ दिली. दोघांनी 1967 मध्ये एकत्र काम करायला सुरुवात केली आणि शिव-हरी नावाने एक जोडी तयार केली.

शिव-हरीच्या जोडीचा प्रवास

संतूर वादक पं.शिवकुमार शर्मा आणि बासरीवादक पं.हरिप्रसाद चौरसिया हे त्यांच्या जुगलबंदीसाठी प्रसिद्ध होते. 1967 मध्ये, दोघांनी पहिल्यांदा शिव-हरी नावाचा शास्त्रीय अल्बम तयार केला. अल्बमचे नाव होते 'कॉल ऑफ द व्हॅली'.

त्यानंतर त्यांनी एकत्र अनेक म्युझिक अल्बम केले. यश चोप्रांनी शिव-हरीच्या जोडीला चित्रपटांमध्ये पहिला ब्रेक दिला. 1981 मध्ये आलेल्या सिलसिला चित्रपटात शिव-हरीच्या जोडीने संगीत दिले होते. या दोघांनी यश चोप्राच्या चार चित्रपटांसह एकूण आठ चित्रपटांना संगीत दिले.

सिलसिला (1987)

फासले (1985)

विजय (1988)

चांदनी (1989)

लम्हे (1991)

परंपरा (1993)

साहिबान (1993)

डर (1993)

यतींद्र मिश्रा यांनी पंडित शिवकुमार यांच्या निधनाची माहिती दिली

बातम्या आणखी आहेत...