दिव्य मराठी विशेष:शाहरुखच्या ‘डंकी’साठी मुंबईत उभारत आहे पंजाबच्या गावामधील सेट, अ‍ॅमस्टरडॅम अन् दुबईतही होईल शूटिंग

शाहरुख खान सध्या राजकुमार हिरानीचा चित्रपट ‘डंकी’च्या शोमध्ये व्यग्र आहे. सेटवर प्रत्यक्षदर्शींनी चित्रपटाशी संबंधित विशेष माहिती दिली ते म्हणाले, ‘आता एक महिन्यापर्यंतच मुंबईच्या फिल्म सिटीत चित्रीकरण होणार आहे. या दिवसातील चित्रीकरण रात्रपाळीत सुरू आहे. विकी कौशल या चित्रपटात शाहरुखच्या जीवलग मित्राच्या भूमिकेत आहे. ते ईदच्या एक दिवस आधी चित्रीकरणासाठी सहभागी झाले. याचित्रपटात विकीची ‘मनमर्जियां’ सहकलाकार तापसी पन्नूसुद्धा आहे. तापसी चित्रपटात शाहरुखचे प्रेम असलेल्या भूमिकेत आहे. तसेच सुनील ग्रोवरसुद्धा महत्त्वाच्या भूमिकेत आहे.

अमित रॉय सांभा‌ळतील सिनेमॅटोग्राफी, एका लखानीवर कॉस्ट्यूमची जबाबदारी

सूत्रांनी पुढे नियोजन आणि चित्रपटाशी संबंधित अन्य लोकांबाबतसुद्धा माहिती दिली. ते म्हणाले...‘शाहरुख आणि इतर कलाकार आणि क्रू सदस्य जूनमध्ये लंडनला जाणार आहेत. लंडनमध्ये दीड महिन्यांच्या चित्रीकरण करण्यात येणार आहे. चित्रपटाच्या छायांकनाची (सिनेमेटोग्राफी) जबाबदारी अमित रॉयकडे दिली आहे.

अमित याआधी राम गोपाल वर्माचे सहायक राहिले आहेत. त्यांच्या खात्यात सिनेमॅटोग्राफर म्हणून ‘सरकार राज’ आणि ‘लव आज कल’ सारखे चित्रपट आहेत. अमितने मध्यंतरी तापसी आणि अमित साधला घेऊन ‘रनिंग शादी’ चित्रपटाचे दिग्दर्शन केले होते. तसेच पोशाखाची (कॉस्ट्यूम) जबाबदारी एका लखानीला दिली आहे. एक्काकडे ‘पोन्नियन सेल्वन’, ‘जुग जुग जिओ’ आणि ‘शेरशाह’ सारखे प्रोजेक्ट होते. हा चित्रपट पंजाबच्या पार्श्वभूमीवर असल्याचे सूत्रांनी सांगितले. शाहरुखचे पात्र लुधियानाच्या किल्ला रायपूर भागातील आहे. तिथले तरुण ज्या गेटअपमध्ये राहतात, एकाने तसेच पोशाख तयार केले आहेत. तापसीचे पात्रदेखील किला रायपूर आणि आसपासच्या गावात राहणाऱ्या तरुणीसारखे आहे.

नोकरी आणि स्थलांतर या पैलूंवर केलेला प्रयत्न आहे ‘डंकी’
चित्रपटाची कथा पंजाबमधील तरुणांची आहे, जे बायरोड पाकिस्तान, दुबई, उझबेकिस्तान, रशिया आणि नंतर युरोपियन देशांमध्ये उपजीविकेसाठी जातात. त्या युवकांबाबत असे म्हटले जाते की, मोठ्या संख्येने पायीच तेथे जातात. या चित्रपटात आपल्या मातृभूमी सोडून नोकरीच्या शोधात परदेशात जाणारे, युरोपातील शेंगेन भागासाठी टुरिस्ट व्हिसा मिळवून कॅनडा आणि अमेरिकेत जाणारे तरुणही आहेत. युरोपमध्ये दोन डझनहून अधिक देश आहेत, जे शेंगेन क्षेत्राखाली येतात. त्यांना पासपोर्ट फ्री झोन ​देश म्हणतात. कारण तिथे ते एकमेकांशी त्यांच्या सीमा सामायिक करतात.

शेंजेन व्हिसाद्वारे, कोणीही त्या झोनच्या देशांमध्ये पर्यटन किंवा व्यवसायासाठी 90 दिवस राहू शकतो. अशा प्रकारे हिरानी त्यांच्या पुढच्या ‘डंकी’ या चित्रपटात नोकरी आणि स्थलांतराच्या विविध पैलूंवर एक वेगळी भूमिका घेण्याचा प्रयत्न करत आहेत. चित्रपटाचे काम जोरात सुरू आहे. मुंबईचे वेळापत्रक पूर्ण करून शाहरुख लवकरच लंडनला रवाना होणार आहे.

हिरानीला किल्ले रायपूर गावाचे निर्जन स्थान अद्वितीय वाटले होते
लंडनशिवाय अ‍ॅमस्टरडॅम आणि दुबई येथील लोकेशन्सवरही या चित्रपटाचे चित्रीकरण होणार आहे. त्याच वेळी हिरानी यांनी पंजाबमधील लुधियाना जिल्ह्यातील किल्ला रायपूर आणि मुंबईतील आसपासच्या गावांमध्येही सेट तयार केला आहे. चित्रपटाची कथा तिथल्या तरुणांच्या परदेश स्थलांतरावर आधारित आहे. त्या गावातले 70 टक्के तरुण पंजाबी कॅनडा आणि इतर युरोपीय देशांमध्ये उपजीविकेसाठी जातात, असे सांगितले जाते. त्यामुळे गाव ओसाड होते. हिरानींना ते ठिकाण अद्वितीय वाटले होते.