आपल्या शहरातील ताज्या बातम्या आणि ई-पेपर मिळवा मोफत

डाउनलोड करा

बॉलिवूडमध्ये खळबळ का?:कार्तिक आर्यनला आपल्या चित्रपटातून काढून टाकणा-या धर्मा आणि रेड चिलीज प्रॉडक्शनचे मागील  10 पैकी 7 चित्रपट फ्लॉपच्या यादीत

मनीषा भल्ला4 दिवसांपूर्वी
  • कॉपी लिंक
  • 2019 च्या टॉप 10 चित्रपटांमध्ये धर्मा प्रॉडक्शनचा एक आणि रेड चिलीजच्या एकाही चित्रपटाचा समावेश नाही

बॉलिवूडचा चॉकलेट बॉय कार्तिक आर्यन सध्या चर्चेत आहे. धर्मा प्रॉडक्शन्स, रेड चिलीज आणि आनंद एल. राय यांच्या चित्रपटातून हकालपट्टी झाल्याने कार्तिकच्या करिअरला मोठा फटका बसल्याचे म्हटले जात आहे. परंतु स्वतः धर्मा आणि रेड चिलीज मागील बर्‍याच दिवसांपासून मोठ्या हिटच्या शोधात आहेत. या दोघांच्या मागील 10 चित्रपटांची स्थिती पाहिल्यास त्यापैकी त्यांचे 7 चित्रपट फ्लॉपच्या यादीत जमा झाले आहेत. तर आनंद एल. राय यांच्या शेवटच्या पाच चित्रपटांपैकी कोणताच चित्रपट हिट झालेला नाही.

करण जोहरच्या धर्मा प्रॉडक्शनच्या दोस्ताना 2 मधून काढून टाकल्यानंतर पहिल्यांदा कार्तिक आर्यनवरुन बॉलिवूडमध्ये खळबळ उडाली होती. यानंतर शाहरुख खानने कार्तिकला रेड चिलीजच्या चित्रपटातून बाहेर केले. दोन चित्रपट हातून जात नाही तोच आनंद एल यांनीही कार्तिकला चित्रपटातून काढून टाकल्याच्या बातम्या चर्चत आल्या. कार्तिकला एकाच वेळी 3 मोठ्या बॅनरच्या चित्रपटातून काढून टाकल्यामुळे पुन्हा एकदा घराणेशाही आणि फिल्म माफियासारखे मुद्दे चर्चेत आले.

2020 हे वर्ष इंडस्ट्रीसाठी एक वाईट वर्ष राहिले. पहिल्या फक्त तीन महिन्यांतच चित्रपट रिलीज झाले. तेव्हापासून आतापर्यंत इंडस्ट्री पुन्हा रुळावर येऊ शकली नाही, परंतु 2019 च्या टॉप 10 हिट चित्रपटांच्या यादीत टॉप 5 मध्येही धर्मा किंवा रेड चिलीज नाही.

कार्तिकच्या नावावर खळबळ का उडाली?
मध्य प्रदेशमधील डॉक्टर दाम्पत्याचा मुलगा असलेला कार्तिक अभियांत्रिकीचा अभ्यास करण्यासाठी मुंबईत आला होता. कार्तिकने हळूहळू आपली ओळख निर्माण करण्यास सुरवात केली आणि आता त्याचे इंस्टावर दोन कोटी फॉलोअर्स आहेत. कार्तिकचा 'प्यार का पंचनामा' हा पहिला चित्रपट यशस्वी झाला, पण नंतर त्याला बराच संघर्ष करावा लागला. 'प्यार का पंचनामा 2' आणि 'सोनू के टीटू की स्वीटी' या चित्रपटांना मिळालेल्या यशाने तो स्टार बनला.

वैधता आता जुना विचार
असे मानले जाते की, जर आपल्याला बॉलीवूडमध्ये व्हेलिडेशन पाहिजे असेल तर मोठ्या प्रॉडक्शन हाऊसचा चित्रपट करणे आवश्यक आहे, परंतु ओटीटी आणि बॉलिवूडवर दक्षिणेचा प्रभाव बघता आता वैधता हा मुद्दा नसेल.

आज येथे ओटीटी आणि यूट्यूबसह बरेच वितरण माध्यम आहेत. त्यांच्याकडे स्वतःचे स्टार्स आहेत. शाहरुख, अक्षय कुमार आणि आलिया भट्ट यांनीही आपापल्या प्रॉडक्शन कंपन्या सुरू केल्या आहेत. आता कोणालाही कोणत्याही मोठ्या प्रॉडक्शन हाऊसकडून मान्यता देण्याची गरज नाही.

एकाच बाजूच्या बातम्या येतात
कार्तिक आर्यनने आतापर्यंत या संपूर्ण वादावर मौन बाळगले आहे, परंतु चित्रपट निर्माता अनुभव सिन्हा आणि लेखक अपूर्व असरानी यांनी सांगितले की, ज्या पद्धतीने या बातम्या चर्चेत आहेत, त्यावरून हे दिसून येते की कार्तिकविरूद्ध मोहीम सुरू केली गेली आहे.

कोणीही कोणत्या स्टारला संपवू शकत नाही
चित्रपट निर्माता गिरीश जोहर यांनी भास्करसोबत झालेल्या संभाषणात सांगितले की, कलाकारांना सध्या ओटीटी, एन्डोर्समेंट, जाहिराती आणि इतर बर्‍याच संधी मिळत आहेत. आजचे स्टार्स इतर व्यवसायातही गुंतवणूक करीत आहेत, त्यामुळे कोणीही कोणत्याही स्टारला संपवू शकत नाही. बॉलिवूड हा आता काही निवडक कुटूंब किंवा प्रॉडक्शन हाऊसचा वारसा राहिलेला नाही. ज्या सभ्यतेने कार्तिकने सर्व वादावर मौन ठेवले आहे ते देखील दर्शविते की, केवळ एक बाजूने बातमी येतेय. जोपर्यंत दुसरा पक्ष बोलणार नाही, तोपर्यंत त्याला चित्रपटातून कसे काढून टाकले किंवा त्याने स्वतःहून चित्रपट सोडले हे आपण कसे सांगू शकतो?

यूट्यूबपासून ओटीटी पर्यंत बरेच पर्याय
चित्रपट निर्माता आणि लेखक राज शांडिल्य सांगतात की, आज कोणत्याही प्रतिभावान अभिनेत्याजवळ कामाची कमतरता राहिली नाही. यूट्यूब हा स्वतः एक मोठा उद्योग आहे. मी बर्‍याच YouTubers ला भेटलो, ज्यांचे लाखो आणि एक कोटीपेक्षा जास्त फॉलोअर्स आहेत. पूर्वी फक्त स्टँड अप कॉमेडीचे कार्यक्रम असायचे. आता ती देखील एक वेगळी इंडस्ट्री आहे. कलाकार त्यांच्या चॅनेलवरून किंवा ओटीटी प्लॅटफॉर्मवर कंटेंट विकून लाखो कमावत आहेत.

आता कोणालाही मोठ्या निर्मात्यांची गरज नाही
दिल्लीत अॅक्टिंग स्कूल चालवणारे आणि महेश भट्ट यांच्या 'द लास्ट सॅल्यूट' नाटकात नायक म्हणून झळकलेले अभिनेता इम्रान जाहिद म्हणतात, की आता युट्यूब आणि काही अॅप्सदेखील चित्रपटांपेक्षा अधिक व्ह्यूज मिळवतात. कलाकसारखा मोठा चित्रपट फ्लॉप होतो आणि त्यापेक्षा अधिक यूट्यूब व्हिडिओ व्हायरल होतात. लोकप्रियता, कमाई किंवा एंडोर्समेंट मिळविण्यासाठी प्रॉडक्शन हाऊसची आता आवश्यकता नाही. चमचेगिरीचे युग आता संपले.

बातम्या आणखी आहेत...