आपल्या शहरातील ताज्या बातम्या आणि ई-पेपर मिळवा मोफत

डाउनलोड करा

राज कुंद्रा पोर्नोग्राफी प्रकरण:शर्लिन चोप्राने पोलिसांना दिलेल्या निवेदनात सांगितले, हॉटशॉट्स अ‍ॅपच्या बोल्ड कंटेंटसाठी राज कुंद्राने संकोच न बागळता काम करण्यास सांगितले होते

एका महिन्यापूर्वी
  • कॉपी लिंक
  • गुन्हे शाखेने 1500 पानांचे आरोपपत्र सादर केले

पोर्नोग्राफी प्रकरणात अभिनेत्री शर्लिन चोप्राचे निवेदन नोंदवण्यात आला. या प्रकरणातील मुख्य आरोपी हा उद्योगपती आणि अभिनेत्री शिल्पा शेट्टीचा नवरा राज कुंद्रा आहे. शर्लिनने तिच्या निवेदनात सांगितले की, 'हॉटशॉट' मोबाइल अ‍ॅप्लिकेशनसाठी काम करण्यासाठी त्याची क्रिएटिव्ह डायरेक्टर सातत्याने पाठपुरावा करत होती आणि तिला काम करण्यास भाग पाडत होती.

गुन्हे शाखेने 1500 पानांचे आरोपपत्र सादर केले
मुंबई गुन्हे शाखेने बुधवारी पोर्नोग्राफी प्रकरणी आरोपपत्र सादर केले ज्यात राज कुंद्रासह त्याच्या फर्मचा आयटी प्रमुख रायन थोरपे आणि यश ठाकूर उर्फ ​​अरविंद श्रीवास्तव जो सिंगापूरमध्ये राहतो आणि कुंद्राचा मेहुणा प्रदीप बख्शी यांचे नाव आहे. प्रदीप बख्शी हा लंडनमध्ये वास्तव्याला आहे. गुन्हे शाखेने 1500 पानांचे आरोपपत्र सादर केले आहे, ज्यात 43 साक्षीदारांचे जबाब समाविष्ट आहे, त्यापैकी पाच साक्षीदारांनी सीआरपीसीच्या कलम 164 अन्वये दंडाधिकाऱ्यांसमोर आपले जबाब नोंदवले आहेत.

स्वतःच्या अ‍ॅपसाठी राज कुंद्राच्या फर्मसोबत करार केला होता
क्राइम ब्रँचला दिलेल्या निवेदनात शर्लिन चोप्रा म्हणाली की, तिने 'द शर्लिन चोप्रा अ‍ॅप' नावाचे मोबाईल अ‍ॅप तयार केले होते, त्यासाठी राजच्या आर्म्सप्राईम मीडिया प्रायव्हेट लिमिटेडसोबत तिने करार केला होता. राज कुंद्रा व्यतिरिक्त सौरभ कुशवाह हा आर्म्सप्राईम मीडिया प्रायव्हेट लिमिटेडच्या संचालक पदावरआहेत. शर्लिन चोप्राचे व्हिडिओ आणि फोटो 'द शर्लिन चोप्रा अ‍ॅप'मध्ये शेअर केले जातात.

उत्पन्नाचा एक टक्काही दिला नाही
शर्लिन चोप्राला आर्म्सप्राईम मीडियाशी केलेल्या करारानुसार अॅपच्या उत्पन्नाचा 50% महसूल मिळणार होता, परंतु तिने निवेदनात म्हटले आहे की, तिला उत्पन्नाचा 1% देखील मिळाला नाही. त्यानंतर, राज कुंद्राने शर्लिन चोप्राशी संपर्क साधला आणि तिला 'हॉटशॉट' नावाच्या मोबाईल अ‍ॅप्लिकेशनसाठी काम करण्यास सांगितले, जो आर्म्सप्राईम मीडियाचाही एक भाग होता.

तू संकोच न बाळगता काम कर
निवेदनानुसार शर्लिनने दावा केला की, राज कुंद्राने तिला 'हॉटशॉट'चा कंटेंट खूप बोल्ड आणि हॉट असेल. त्यामुळे संकोच न बाळगता काम कर असे सांगितले होते. शर्लिन पुढे म्हणाली, हॉट शॉट अ‍ॅप्लिकेशन राज कुंद्राचेच होते. कुंद्रा आणि त्याच्या फर्मची क्रिएटिव्ह डायरेक्टर मीता झुनझुनवाला यांनी तिला काम करण्यासाठी भाग पाडले होते, असा दावा तिने केला आहे.

बातम्या आणखी आहेत...