आपल्या शहरातील ताज्या बातम्या आणि ई-पेपर मिळवा मोफत

Install App

ADS Free बातम्या वाचण्यासाठी आताच इंस्टॉल करा दिव्य मराठी अ‍ॅप

'सोल्जर'ची 22 वर्षे:सनी देओल करणार होता ‘सोल्जर’, मात्र 'या' व्यक्तीच्या सांगण्यावरुन दिग्दर्शकाने केली बॉबी देओलची निवड; वाचा चित्रपटाविषयीची खास किस्से

15 दिवसांपूर्वी
  • कॉपी लिंक
  • 22 वर्षांनंतरही आयकॉनिक सोल्जर चित्रपटाविषयी बोलले जाते.

1998 मध्ये आजच्या दिवशी रिलीज झालेला अॅक्शन-ड्रामा चित्रपट ‘सोल्जर’चे दिग्दर्शन अब्बास-मस्तान यांनी केले होते. यात मुख्य भूमिकेत बॉबी देओल, प्रीती झिंटा, दलीप ताहिल, सुरेश ओबरॉय, पंकज धीर आणि शरत सक्सेना होते. चित्रपटाला 22 वर्षे पूर्ण झाल्यानिमित्त जाणून घेऊ काही महत्त्वाच्या बाबी...

पहिल्यांदाच बॉलिवूड चित्रपटाचे ऑस्ट्रेलियात शूटिंग झाले - दलीप ताहिल, अभिनेते

22 वर्षांनंतरही आयकॉनिक सोल्जर चित्रपटाविषयी बोलले जात आहे, याला मी माझे सौभाग्य समजतो. त्यात मी सहभागी होतो. पहिल्यांदाच हिंदी चित्रपटाचे शूटिंग ऑस्ट्रेलिया येथील सिडनी हाबर, बाउंटी शिपवर करण्यात आले होते. यापूर्वी येथे कोणत्याही बॉलीवूड चित्रपटाचे शूटिंग झाले नव्हते. येथे हॉलीवूडच्या मोठ्या चित्रपटाचे शूटिंग झाले होते. येथे एक दिवस जहाज बूक करुन माझा बंगला आणि मृत्युच्या दृश्याची पूर्ण शूटिंग करण्यात आली होती. मस्तानभाईने माझ्या पात्राविषयी सांगितले होते, एक भोजपूरी माणूस आहे, तो येथून ऑस्ट्रेलियाला जातो, तेथे खूप दौलत कमवतो, मात्र बोलण्याची पद्धत तीच राहते. मी ही भूमिका साकारली होती. असो, त्याकाळात पत्रकार परिषदेत मला करिश्मा कपूर, मनीषा कोइराला, आमिर खान, शाहरुख खान, शिल्पा शेट्‌टी, काजोल यांचे उदाहरण देऊन विचारू लागले की, तुम्ही ज्या हिरो-हिरोइनच्या पहिल्या चित्रपटात असता तो चित्रपट हिट होतो. मी म्हणालो, मी असा विचारही करत नाही, हे माध्यमांचे म्हणणे आहे, यात माझे योगदान नाही.

सोल्जरचे लोकेशन खूपच चांगले होते - रमेश तौरानी. निर्माते

सोल्जरचे दिग्दर्शक अब्बास-मस्तान यांनी मला कथा ऐकवली होती. तेव्हा आपल्याला बॉबी देओलला घ्यायला हवे, असे मी त्यांना सुचवले. कारण त्यावेळी ते मोठे आणि देखणे स्टार होते. त्यावेळी त्यांनी ’बरसात’ आणि ’गुप्त’ सारखे चित्रपट केले होते. एकदा बॉबी देओलची कास्टिंग निश्चित झाल्यानंतर सर्व काही सुरळीत पार पडले. असो, ‘सोल्जर’ आधी बॉबी देओलचे दोन मोठे चित्रपट ‘और प्यार हो गया’ आणि ‘करीब’ फ्लॉप झाले होते. तरीदेखील आम्ही चित्रपट रिलीज केला आणि सुदैवाने हा चित्रपट सुपरहिट ठरला. या चित्रपटाचे शूटिंग ऑस्ट्रेलिया, न्यूझीलँड, जैसलमेर आणि मुंबईत केले होते. याच्या कथेत आणि क्लायमेक्समध्ये बदल करण्यात आला नव्हता. सेन्सॉर बोर्डानेदेखील यात कात्री लावली नाही. बॉक्स ऑफिसवर आणि विदेशातही चित्रपटाने चांगली कमाई केली.

सोल्जरनंतर लोक बॉबीची हेअर स्टाइल कॉपी करू लागले होते

  • सोल्जरनंतर लोकांनी बॉबी देओलची हेअर स्टाइल कॉपी केली होती. बॉलिवूडमध्ये प्रत्येक स्टारचा काळ येत असतो. 90 च्या दशकात बॉबी देओलचे चित्रपट पाहण्यासाठी प्रेक्षक आतुर असायचे.
  • सोल्जरनंतर लोक बॉबीची हेअर स्टाइलपासून ते त्याची शैली, हाव-भाव कॉपी करू लागले होते. सोल्जरनंतर बॉबी देओलची हेअर स्टाइल आणि एंग्री यंग मन लूकची चर्चा होती.
  • सोल्जर या चित्रपटातून बॉलिवूडमध्ये पदार्पण करणाऱ्या डिंपल गर्ल, प्रीती झिंटाला सर्वोत्कृष्ट पदार्पण अभिनेत्रीचा फिल्मफेअर पुरस्कार आणि झी सिने पुरस्कार मिळाला.
  • राखी गुलजार यांना सर्वश्रेष्ठ सहायक अभिनेत्री आणि दिग्दर्शक अब्बास-मस्तान यांना सर्वश्रेष्ठ दिग्दर्शकांसाठी फिल्मफेअरसाठी नामांकन मिळाले.
  • बॉबी देओल आणि प्रीति झिंटा यांची जोडी सुपरहिट झाली होती.चित्रपटाचे गाणेही सुपरहिट झाले होते. त्या वर्षीचा सर्वात जास्त विक्री करणारा हा संगीत अलबम ठरला होता.
  • दिग्दर्शक अब्बास-मस्तान यांनी धर्मेंद्र यांना चित्रपटाची कहाणी सांगून सनी देओलला चित्रपटात घेण्याची इच्छा व्यक्त केली होती. पण धर्मेंद्र यांना समजून सांगितल्यानंतर या भूमिकेसाठी दिग्दर्शकाने बॉबी देओलला घेतले.
  • सोल्जर चित्रपटासाठी अभिनेते सुरेश ओबरॉय यांना आपली ट्रेडमार्क मिशा काढव्या लागल्या होत्या आणि ब्लॅक अँड व्हाइट बिग घालावी लागली होती.
  • सोल्जरसाठी अमरीश पुरी आणि गुलशन ग्रोव्हर यांनाही घेण्यात आले हाेते, मात्र नंतर त्यांनी हा चित्रपट सोडला. चित्रपटात बॉबी देओलचे काका अजीत सिंह देओलने सैनिक ठाकुर दलेर सिंहचे पात्र साकारले होते.
  • चित्रपटात दिलीप ताहिल ज्या गुप्त मार्गाने बॉबी देओलला घेऊन जातो, ते प्रसिद्ध सिडनी अंडरवॉटर अॅक्वेरियम आहे.
  • सोल्जर चित्रपट प्रीती झिंटाचा पहिला चित्रपट मानला जातो, मात्र 1998 मध्ये रिलीज झालेला दिल से तिचा पहिला चित्रपट होता.
  • सोल्जर चित्रपट वास्तविक जीवनातील घटनेवर आधारित आहे. चित्रपटाचे दिग्दर्शक अब्बास मस्तान लेखक श्याम गोयल यांच्याकडे एक बातमी घेऊन गेले होते, त्यात पंजाबच्या एका महिलेच्या कपाळावर तिचा पती देशद्रोही असल्याचे लिहित तिला गावातून हाकलून देतात. तिच्या सैनिक पतीवर विश्वासाघात केल्याचा आरोप असतो. मात्र पत्नीलाच देशद्रोही समजून शिक्षा दिली जाते. अशा प्रकारे 1995 मध्ये पुरुलिया शस्त्र गहाळ प्रकरणातूनही चित्रपटाची प्रेरणा मिळाली होती. यात रहस्यमय पद्धतीने शस्त्रसाठा जप्त करण्यात आला होता. या घटनेची माहिती चित्रपट रिलीज होईपर्यंत कुणालाही नव्हती.