आपल्या शहरातील ताज्या बातम्या आणि ई-पेपर मिळवा मोफत

डाउनलोड करा

सोनाली फोगाटचा शेवटचा चित्रपट होणार प्रदर्शित:मोटिव्हेशनल भूमिकेत दिसणार, निर्माते बायोग्राफीही बनवण्याच्या विचारात

17 दिवसांपूर्वी
  • कॉपी लिंक

भाजप नेत्या आणि अभिनेत्री सोनाली फोगाट यांच्या मृत्यूची चौकशी सुरू आहे. दरम्यान, निर्मात्यांनी सोनाली फोगाट यांचा शेवटचा चित्रपट लवकरच प्रदर्शित करण्याची घोषणा केली आहे. फोगाट यांच्या शेवटच्या चित्रपटाचे नाव प्रेरणा आहे. चित्रपटाचे दिग्दर्शक आणि निर्माते नरेश ढांडा यांनी सांगितले की, हा एक प्रेरणादायी चित्रपट असेल. नरेश धांडा यांनीही या चित्रपटात सोनाली यांच्या सासऱ्याची भूमिका साकारली आहे.

प्रेरणादायी असेल पात्र
वृत्तसंस्थेशी बोलताना नरेश ढांडा म्हणाले, या चित्रपटाचे शीर्षक प्रेरणा आहे. सोनाली फोगट यांनी या चित्रपटात मुख्य भूमिका साकारली आहे. हा एक प्रेरणादायी चित्रपट आहे. यात सोनाली फोगट यांचे पात्र प्रेरणा विद्यार्थ्यांना कसे प्रेरित करते हे दाखवले आहे. जीवनात धैर्य आणि आशा गमावू नका, नेहमी पुढे जात रहा, असा संदेश या चित्रपटातून देण्यात आला असल्याची माहिती ढांडी यांनी दिली आहे.

सोनाली यांची बायोग्राफी बनवण्याच्या विचारात आहेत निर्माते
ढांडा पुढे म्हणाला, "चित्रपट तयार आहे, पण सध्या मला सोनाली फोगाट यांची मुलगी यशोधरासोबत एक गाणे शूट करायचे आहे. सोनाली फोगट यांना श्रद्धांजली वाहण्यासाठी हे गाणे चित्रपटाच्या शेवटी दाखवले जाईल. या गाण्याच्या माध्यमातून मी सोनाली यांना श्रद्धांजली वाहणार आहे." यासोबतच त्यांनी फोगाट यांच्या जीवनावर चरित्रपट बनवण्याचा विचारही केला आहे. याबद्दल बोलताना नरेश ढांडा सांगतात, "सोनाली यांचे आयुष्य एखाद्या चित्रपटापेक्षा कमी नव्हते. एका छोट्या गावातून आलेल्या या मुलीने स्वत:चे इतके मोठे नाव कमावले. पतीच्या रहस्यमय मृत्यूनंतर त्यांना आयुष्यात अनेक संकटांचा सामना करावा लागला. होते."

23 ऑगस्ट रोजी झाली होती सोनालीची हत्या
सोनाली फोगाट यांची मुलगी यशोधरा हिने दोन दिवसांपूर्वी या चित्रपटाचे पोस्टर रिलीज केले. यशोधरासोबत गाण्याच्या शूटिंगनंतर लवकरच चित्रपटाची रिलीज डेट जाहीर करण्यात येणार आहे. 23 ऑगस्ट रोजी गोव्यात सोनाली फोगाट यांची हत्या झाली होती. त्यावेळी त्यांच्यासोबत त्यांचे पीए सुधीर सांगवान आणि सुखविंदर हे गोव्यात होते. सोनाली यांचा भाऊ रिंकूच्या तक्रारीवरून गोवा पोलिसांनी त्यांचा पीए सुधीर सांगवान आणि सुखविंदर यांच्या विरोधात हत्ये रचणे आणि एनडीपीएस कायद्यान्वये गुन्हा दाखल केला होता. याप्रकरणी सुखविंदरसह 5 जणांना अटक करण्यात आली आहे.

बातम्या आणखी आहेत...