समोर आला सुशांतचा ऑटोप्सी रिपोर्ट:सुशांतच्या मानेवर 33 सेंटीमीटरची 'खोल जखम' आढळली, वडिलांच्या वकिलांनी अनेक प्रश्न केले उपस्थित; एम्सने चौकशीसाठी 5 सदस्यांची टीम तयार केली

अभिनेता सुशांत सिंह राजपूतचा ऑटोप्सी रिपोर्ट दिव्य मराठीच्या हाती लागला आहे. या रिपोर्टमध्ये त्याच्या गळ्याजवळ 'लिगेचर मार्क' असल्याचा उल्लेख आहे. सामान्य भाषेत लिगेचर मार्कला 'खोल जखम' असे म्हणतात. सामान्यत: ती 'यू' आकाराची असते, ज्यावरुन गळा दोरीने किंवा तत्सम अशा वस्तूने आवळला असल्याचे समजते.

सुशांतच्या पोस्टमॉर्टम रिपोर्टवर सुशांतचे वडील के.के. सिंह यांचे वकील विकास सिंह यांनी अनेक प्रश्नचिन्ह उपस्थित केले आहेत. या रिपोर्टमध्ये सुशांतच्या मृत्यूची वेळ नाही. मृत्यूच्या वेळेचा उल्लेख ही पोस्टमॉर्टम रिपोर्टमधून महत्त्वाची माहिती असते. सुशांतला फाशी देण्यात आली की फासावर लटकवण्याआधी त्याला मारण्यात आले, हे त्याच्या मृत्यूच्या वेळेवरुन स्पष्ट होऊ शकले असते, असे विकास सिंह यांनी म्हटले आहे.

सुशांतच्या पोस्टमॉर्टम अहवालातील मुख्य मुद्दे

वकिल विकास सिंह यांनी पोस्टमॉर्टम रिपोर्टवर उपस्थित केले प्रश्न

सुशांतचे वडील के.के. सिंह यांचे वकिल विकास सिंह यांनी पोस्टमॉर्टम अहवालावर प्रश्नचिन्ह उपस्थित करत म्हटले आहे की, या अहवालात अनेक गोष्टी लपवण्यात आल्या आहेत. त्यावरुन पडदा उचलणे अत्यंत आवश्यक आहे. पोस्टमॉर्टम अहवालात सुशांतच्या मृत्यूची वेळ आणि ज्युसचा उल्लेख नाही. सुशांतच्या चेहर्‍यावरील खुणांचाही उल्लेख यात नसल्याचे विकास सिंह यांनी म्हटले आहे.

सुशांत सिंह राजपूतच्या ऑटोप्सी फायली तपासण्यासाठी एम्सने शुक्रवारी फॉरेन्सिक तज्ज्ञांचे पाच सदस्यीय मेडिकल बोर्ड गठीत केले आहे. शुक्रवारी सीबीआयने याप्रकरणी एम्सचे मत जाणून घेतले. या पथकाचे नेतृत्व एम्सचे फॉरेन्सिक विभाग प्रमुख डॉ. सुधीर गुप्ता करत आहेत. ते म्हणाले, “आम्ही हत्येच्या संभाव्यतेकडे लक्ष देऊ, जर सर्व शक्य अँगलने याची सखोल चौकशी केली जाईल.”

गुप्ता म्हणाले की, 'संरक्षित व्हिसेराची चौकशी केली जाईल आणि सुशांतला नैराश्यातून बाहेर काढण्यासाठी देण्यात येणार्‍या औषधांचे विश्लेषण एम्स प्रयोगशाळेत केले जाईल."