आपल्या शहरातील ताज्या बातम्या आणि ई-पेपर मिळवा मोफत

Install App

संशयाच्या भोव-यात सुशांतचा 'मित्र':सुशांतचा मृतदेह बघून मुंबई पोलिसांना थम्स अप दाखवणा-या संदीप सिंहचे अखेर सत्य काय? एकेकाळी विकायचा आईस्क्रीम मग बनला निर्माता

मुंबईएका महिन्यापूर्वी
  • कॉपी लिंक
  • या प्रकरणात संदीपची भूमिका अत्यंत संशयास्पद मानली जाते.

अभिनेता सुशांत सिंह राजपूत मृत्यू प्रकरणाचा सीबीआयने तपास सुरु केला आहे. याप्रकरणी सर्वप्रथम सुशांतचा कुक नीरजची चौकशी केली गेली. आजही ही चौकशी सुरु आहे. सोबतच आज सुशांतचा रूममेट सिद्धार्थ पिठानी यालादेखील चौकशीसाठी बोलविण्यात आले आहे.

ताज्या बातम्यांनुसार, सीबीआय सुशांतचा मित्र असल्याचा दावा करणा-या संदीप सिंहचीही चौकशी करण्याची तयारी करत आहे. या प्रकरणात संदीपची भूमिका अत्यंत संशयास्पद मानली जाते.

14 जून रोजी सुशांतच्या मृत्यूनंतर त्याच्या वांद्रेच्या अपार्टमेंटमध्ये पोहोचलेल्यांपैकी संदीप हा पहिला होता. संदीपचा एक व्हिडिओही व्हायरल होत आहे, ज्यामध्ये तो सुशांतचा मृतदेह बघून मुंबई पोलिसांना थम्स अप दाखवताना दिसतोय. याशिवाय नॅशनल टेलिव्हिजनवर संदीप वारंवार आपले वक्तव्य बदलत आहे. त्यामुळे त्याची भूमिका अधिकच संदिग्ध बनली आहे.

  • संदीपला ओळखत नाही सुशांतचे कुटुंबीय

सुशांतचे कौटुंबिक वकील विकास सिंह यांनीही म्हटले आहे की, "संदीपला कुटूंबातील कोणताही सदस्य ओळखत नाही." जेव्हा सुशांतच्या मृत्यूची बातमी समोर आली तेव्हा संदीप तिथे पोहोचला.

सुशांतचा मृतदेह पाहून त्याची बहीण मितू अतिशय खचून गेली होती, तेव्हा संदीप तिला सावरण्यासाठी पुढे आला होता. इतकेच नाही तर त्याला प्रत्येक गोष्टीत पुढे येण्याची संधी मिळाली. संदीपने या संधीचा फायदा घेतला. संदीप पोस्टमॉर्टमपासून ते अंत्यसंस्कारापर्यंत सर्व गोष्टींमध्ये सामील होता.

14 जून रोजी मितू सिंहसोबत संदीप
14 जून रोजी मितू सिंहसोबत संदीप

अनेक माध्यमांच्या मुलाखतीत त्याने सुशांतला आपला भाऊ म्हटले. सुशांतच्या कुटुंबीयांना भेटण्यासाठी तो पाटण्यातही गेला होता आणि प्रसिद्धी मिळवण्याचा प्रयत्न केला.

सोशल मीडियावरील सुशांतचे चाहतेही सतत संदीपबद्दल संताप व्यक्त करत आहेत, यामुळे संदीपने आपल्या सोशल मीडिया अकाउंटवरील कमेंट सेक्शन बंद केले आहे.

एकेकाळी आईस्क्रीम विकायचा, आता बनला निर्माता

  • बिहारच्या मुझफ्फरपूर येथे जन्मलेला संदीप लहान वयातच आपल्या कुटूंबासह मुंबईला आला.
  • त्याचे सुरुवातीचे शिक्षण मुंबई येथे झाले, परंतु गरिबीमुळे त्याला शिक्षण पूर्ण करता आले नाही. संदीपने ट्यूशन घेऊन रस्त्यावर आईस्क्रीम विकून आपला उदरनिर्वाह चालवला.
  • यानंतर 2001 मध्ये संदीपने पत्रकार म्हणून करिअरची सुरुवात केली. त्यानंतर तो एका रेडिओ वाहिनीमध्ये शो प्रोड्युसर बनला. यानंतर त्याला यश मिळू लागले.
  • त्यानंतर त्याला रेडिओ मिर्चीचा एंटरटेनमेंट हेड बनवण्यात आले. 2008 मध्ये, 38 वर्षीय संदीपने कलर्स चॅनेलसाठी डान्सिंग क्वीन हा पहिला स्वतंत्र शो केला होता.
  • यानंतर संदीप 2011 मध्ये भन्साळी प्रॉडक्शनचा सीईओ झाला.
  • भन्साळी प्रॉडक्शनमध्ये राहून संदीपने राउडी राठोड, शिरीन फरहाद की तो निकल पाडी, राम लीला, मेरी कोम आणि सरस्वतीचंद्र (2013) या मालिकेची सहनिर्मिती केली.
  • 2015 मध्ये निर्माता म्हणून संदीपने अलीगड, सरबजीत, भूमी आणि पीएम नरेंद्र मोदी सारख्या चित्रपटांची निर्मिती केली.
  • एकेकाळी संदीप सुशांत-अंकिताचा कॉमन फ्रेंड होता संदीप

काही माध्यमांच्या मुलाखतींमध्ये 38 वर्षीय संदीपने असे सांगितले आहे की, ऑक्टोबर, 2019 पासून तो सुशांतच्या संपर्कात नव्हता, परंतु तो त्याच्या जवळच्या व्यक्तींपैकी होता. तो सुशांत आणि त्याची पुर्वाश्रमीची गर्लफ्रेंड अंकिता लोखंडे यांचा कॉमन फ्रेंड आहे. सुशांतच्या मृत्यूनंतर संदीपने काही फोटो सोशल मीडियावर शेअर केले ज्यामध्ये तो सुशांत आणि अंकितासोबत दिसला. सुशांत-अंकिता 2016 पर्यंत लिव्ह-इन रिलेशनशिपमध्ये होते आणि त्यावेळी हा फोटो घेण्यात आला होता.

सुशांत-अंकिता 2016 पर्यंत लिव्ह इन रिलेशनशिपमध्ये होते आणि हा तेव्हाचा फोटो आहे.
सुशांत-अंकिता 2016 पर्यंत लिव्ह इन रिलेशनशिपमध्ये होते आणि हा तेव्हाचा फोटो आहे.