आपल्या शहरातील ताज्या बातम्या आणि ई-पेपर मिळवा मोफत

Install App

ADS Free बातम्या वाचण्यासाठी आताच इंस्टॉल करा दिव्य मराठी अ‍ॅप

प्रेरणादायी:‘तान्हाजी’मधला धैर्यशील म्हणतोय, 'नैराश्यावर मात करण्यासाठी वाचा पाब्लो नेरूदांची कविता'

मुंबई10 महिन्यांपूर्वी
  • कॉपी लिंक
  • ‘तुम्ही मरताय हळूहळू’ या कवितेचा गाभा लक्षात घेऊन आत्मचिंतन केले तर कवितेतलं तत्वज्ञान निश्चितच नैराश्यातून बाहेर काढायला मदत करणार आहे.

अजय देवगनच्या 'तानाजी' चित्रपटाव्दारे मराठमोळा अभिनेता धैर्यशीलने बॉलिवूडमध्ये पदार्पण केले. तानाजीच्या सैन्यातल्या मावळ्याच्या भूमिकेत दिसलेल्या धैर्यशीलने नोबेल पुरस्कार प्राप्त प्रसिध्द स्पॅनिश कवी पाब्लो नेरूदा यांच्या मराठी अनुवादीत कवितेचे वाचन केलेला एक व्हिडिओ नुकताच सोशल मीडियावर पोस्ट केला आहे. 

सध्याच्या नैराश्यग्रस्त वातावरणातून बाहेर येऊन  सकारात्मकतेने वाटचाल करण्यासाठी पाब्लो नेरूदांची ही कविता खूप प्रेरित करेल असे धैर्यशीलला वाटते. तो म्हणतो, “सध्या नैराश्य, चिंता आणि काळजीचे वातावरण वैश्विक स्तरावर पाहायला  मिळतेय. पाब्लो नेरूदा हे विश्वकवी होते. त्यांची ‘To start dying slowly’ ही कविता कुठे तरी आपली सध्याची मनस्थिती दर्शवणारी आणि परिस्थितीतून मरगळ झटकून पूढे वाटचाल करायला  प्रेरित करणारी आहे, असं मला वाटतं. सध्या आपण घरी अडकलो आहोत. आपली पूढची वाटचाल कशी असावी ह्याचा विचार करायची, मन:चिंतन करायची खरं तर हिच वेळ आहे.“

धैर्यशील पुढे म्हणतो, “To start dying slowly’ कवितेचा अनुवाद असलेली ‘तुम्ही मरताय हळूहळू’ या कवितेचा गाभा लक्षात घेऊन आत्मचिंतन केले तर कवितेतलं तत्वज्ञान निश्चितच नैराश्यातून बाहेर काढायला मदत करणार आहे. मला कायम असं वाटतं आलयं की, आपण हल्लीची पिढी खूप सुपरफिशीअल आयुष्य जगत आलोय. आणि कुठेतरी ही कविता आपल्याला जगण्याचा खरा दृष्टिकोण देते.“

बातम्या आणखी आहेत...