आपल्या शहरातील ताज्या बातम्या आणि ई-पेपर मिळवा मोफत

डाउनलोड करा

हिरोशिमा हल्ल्याला 77 वर्षे पूर्ण:77 वर्षांपासून आहेत अणुबॉम्बच्या खुणा, 'लिटल बॉय' ते 'द बिगिनिंग ऑर द एंड'मध्ये चित्रीत झाला आहे विनाश

13 दिवसांपूर्वी
  • कॉपी लिंक

6 एप्रिल 1945, याच दिवशी जपानने दोन सूर्य पाहिले, एक नेहमीप्रमाणे उगवताना आणि दुसरा विनाशाचा, याच दिवशी हिरोशिमावर अणुहल्ला झाला. या हल्ल्यामुळे शहरातील सुमारे 90 टक्के म्हणजेच 80 हजार लोकांचा मृत्यू झाला. दुसरे महायुद्ध चालू होते आणि जगात पहिल्यांदाच एखाद्या शहरावर अणुबॉम्बचा वापर केला गेला होता.

अण्वस्त्र हल्ल्याला आज 77 वर्षे पूर्ण होत आहेत. जपानच्या हिरोशिमा शहरावर अमेरिकेने लिटल बॉय नावाचा बॉम्ब टाकला, हा बॉम्ब पडल्यानंतर शहरात तसेच आसपासच्या परिसरात काळा पाऊस सुरू झाला. या पावसाने हजारो लोकांचा बळी घेतला, तर अनेकांना विचित्र आजारांनी घेरले. त्याच्या खुणा आजही जपानमध्ये आहेत. 77 वर्षांनंतरही या बॉम्बच्या किरणोत्सर्गामुळे आजही अनेक लोक विचित्र आजारांना बळी पडत आहेत. अणु हल्ल्यावर आधारित काही चित्रपट पाहून तुम्हाला हे सर्व कळेल. चला तर मग आज आम्ही तुम्हाला त्या चित्रपटांबद्दल सांगतोय ज्यात हा अणुहल्ला आणि त्याचे परिणाम लोकांसमोर उत्तम प्रकारे आणले गेले आहेत -

फॅट मॅन आणि लिटल बॉय
1989 मध्ये रिलीज झालेला हा चित्रपट मॅनहॅटन प्रोजेक्टवर आधारित आहे. हा चित्रपट पहिला अणुबॉम्ब बनवण्याबद्दल आणि दुसऱ्या महायुद्धात दोन शहरांवर हल्ला करण्याबद्दल सांगतो. हिरोशिमा आणि नागासाकीवर टाकण्यात आलेल्या दोन अणुबॉम्बच्या नावावरून या चित्रपटाचे नाव ठेवण्यात आले आहे.

फ्रँकलिन कॉनक्वॅर्स द वर्ल्ड
1965 मध्ये रिलीज झालेल्या या चित्रपटाची निर्मिती इशिरो होंडा यांनी केली होती. या चित्रपटात हिरोशिमावर झालेला अणुहल्ला आणि त्याचा एका मुलावर झालेला परिणाम याविषयी सांगण्यात आले आहे. चित्रपटात आण्विक हल्ल्यामुळे, मूल विचित्र आकारात वाढते. या चित्रपटाच्या माध्यमातून हिरोशिमामध्ये राहणाऱ्या लोकांच्या शरीरावर अणुहल्ल्याचे दुष्परिणाम अतिशय बारकाईने दाखवण्यात आले आहेत.

रॅप्सोडी इन अगस्त
1991 मध्ये रिलीज झालेला हा चित्रपट नाबे नो नाका या कादंबरीवर आधारित आहे. या चित्रपटाची कथा एक महिला आणि तिच्या चार नातवंडांवर केंद्रित आहे. हिरोशिमावर 1945 च्या अणुहल्ल्यात या महिलेने तिचा नवरा गमावला. त्यानंतर या वृद्ध महिलेच्या आयुष्यात फक्त नातवंड असतात. या महिलेला मरण्यापूर्वी तिच्या हरवलेल्या भावाला भेटायचे आहे. अण्वस्त्र हल्ल्यानंतर संघर्ष करणाऱ्या लोकांची कहाणी चित्रपटात समोर आणली आहे.

लिटल बॉय
2015 मध्ये रिलीज झालेल्या या चित्रपटाची निर्मिती अलेक्झांड्रो गोमेझ मॉन्टवेर्डे यांनी केली आहे. हिरोशिमावर टाकलेल्या बॉम्बवर या चित्रपटाचे नाव लिटल बॉय ठेवण्यात आले आहे. या चित्रपटाची कथा पेपर फ्लायंट बसबी नावाच्या मुलावर आधारित आहे, जो या अणुबॉम्ब हल्ल्याशी संबंधित आहे.

द बिगिनिंग ऑर द एंड
1947 मध्ये रिलीज झालेला द बिगिनिंग ऑर द एंड ही एक राजकीय डॉक्युमेंटरी आहे जी मॅनहॅटन प्रोजेक्टच्या टॉप-सिक्रेटमधील पडद्यामागच्या घटना सांगते. अमेरिकेचे तत्कालीन राष्ट्राध्यक्ष हॅरी एस ट्रुमन यांनी हिरोशिमावर बॉम्बफेक करण्याची परवानगी कशी दिली हे या चित्रपटात दाखवण्यात आले आहे.

न्यूक्लियर टिपिंग पॉइंट
न्यूक्लियर टिपिंग पॉइंट हा 2010 मधील माहितीपट आहे. त्यावेळी अमेरिका आणि रशियाकडे जगातील 95% अण्वस्त्रे होती. ज्यांची संख्या सुमारे 20,000 होती. शीतयुद्धाच्या काळात पदावर असलेल्या आणि जगाने अणुबॉम्ब वापरणे थांबवावे अशी त्यांची इच्छा असलेल्या चार अमेरिकन सरकारी अधिकाऱ्यांच्या कामाचे वर्णन या चित्रपटात आहे. या माहितीपटात अणुहल्ला रोखण्यासाठी त्या अधिकाऱ्यांनी केलेल्या प्रयत्नांचे वर्णन केले आहे. याशिवाय 'द बॉम्ब', व्हाईट लाइट-ब्लॅक रेन: द डिस्ट्रक्शन ऑफ हिरोशिमा अँड नागासाकी, द मोमेंट इन टाइम: द मॅनहॅटन प्रोजेक्ट, TWICE यांसारख्या माहितीपटांमध्ये हा हल्ला आणि या हल्ल्यापूर्वी आणि नंतरची परिस्थितीही चांगल्या पद्धतीने दाखवण्यात आली आहे.

बातम्या आणखी आहेत...