डेट्स इश्यू:गेल्या चार महिन्यांपासून रखडले वरुण-कृतीच्या 'जुग जुग जियो’चे वेळापत्रक, सर्व कलाकारांनी आतापर्यंत फक्त 25 दिवसांचे केले शूटिंग

वरुण धवनने नुकतेच ‘भेडिया’ चित्रपटाचे पहिले शेड्यूल पूर्ण केले. मात्र वरुणचा आणखी एक चित्रपट ‘जुग जुग जियो’मात्र अडचणींनी वेढला आहे. टीम या वर्षी जानेवारीमध्ये दुसरे वेळापत्रक सुरू करण्यात लागली आहे. मात्र कोरोनामुळे ते शक्य होताना दिसत नाही. खरं तर, चित्रपटाचा एक महत्त्वाचा भाग लंडनमध्ये शूट होणार आहे. मात्र गेल्या चार महिन्यांपासून सुरू असलेल्या निर्मात्यांच्या प्रयत्नांना यश मिळताना दिसत नाहीये.

धर्मा प्रॉडक्शन्सच्या अधिकाऱ्यांनी याला दुजोरा देत सांगितले, या चित्रपटाला सुरुवातीपासून काही ना काही अडचणी येत आहेत. गेल्या नोव्हेंबरमध्ये याच्या पहिल्या वेळापत्रकाच्या शूटिंग वेळी कलाकारांना कोरोना झाला होता. त्यानंतरही सर्वांनीच कसेबसे डिसेंबरमध्ये चंदीगडमध्ये एक शेड्यूल पूर्ण केले. त्यानंतर परिस्थिती हाताबाहेर गेली. त्यामुळे टीम आता याचे दुसरे शेड्यूल सुरू करू शकली नाही.

करण जोहरच्या जवळच्या सूत्रानुसार, परदेशातील शूटिंगसाठी टीम आधी कॅनडाला जाणार होती. नंतर लंडनला जाण्याची योजना होती. मात्र यूकेमध्ये तोपर्यंत कोरोनाची दुसरी लाट सुरु झाली होती. तेथे परिस्थिती चांगली तर भारताची बिघडली. या परिस्थितीतही सर्वच कलाकार करण जोहरच्या पूर्णपणे सोबत आहेत. नीतू कपूर यांचे तर वैयक्तिक नुकसानही झाले आहे. तरीदेखील त्या ठरलेल्या वेळेवर शूटिंग करण्यासाठी तयार आहेत.

अशा प्रकारे प्रत्येक वेळेस रखडले शूटिंग

एकूणच वरुण धवन, कियारा आडवाणी, अनिल कपूर आणि मनीष पॉल गेल्या वर्षी नोव्हेंबरपासून ते आतापर्यंत 20 ते 25 दिवसच शूटिंग करू शकले. त्यात चंदीगडमधील शूटिंग पूर्ण झाले आहे. आता फक्त विदेशात होणारे 10 दिवसांचे शूटिंग गेल्या चार महिन्यांपासून अटकले आहे.