आपल्या शहरातील ताज्या बातम्या आणि ई-पेपर मिळवा मोफत

डाउनलोड करा

अभिनेते अरुण बाली यांचे निधन:न्यूरोमस्क्युलर आजाराशी झुंज देत होते, वयाच्या 79व्या वर्षी घेतला अखेरचा श्वास

2 महिन्यांपूर्वी
  • कॉपी लिंक

लोकप्रिय अभिनेते अरुण बाली यांचे शुक्रवारी (7 ऑक्टोबर) पहाटे साडेचार वाजता मुंबईत निधन झाले. ते 79 वर्षांचे होते आणि अनेक दिवसांपासून आजारी होते. कुटुंबीयांच्या म्हणण्यानुसार ते न्यूरोमस्क्युलर आजाराशी झुंज देत होते. हा एक स्वयंप्रतिकार रोग आहे ज्यामध्ये नसा आणि स्नायू यांच्यामध्ये अडथळा निर्माण होतो. त्यामुळे त्यांना बोलणे कठीण झाले होते. मात्र, त्यांचा मृत्यू कशामुळे झाला हे अद्याप समजू शकलेले नाही.

अरुण बाली शेवटचे अमिताभ बच्चन आणि रश्मिका मंदान्नासोबत आज प्रदर्शित झालेल्या 'गुड बॉय' चित्रपटात दिसले होते.

90च्या दशकात केली होती करिअरची सुरुवात
अरुण यांचा जन्म 1942 मध्ये लाहोरमध्ये झाला. 90 च्या दशकात त्यांनी करिअरला सुरुवात केली. अरुण यांनी टीव्हीवरील आपल्या वेगवेगळ्या भूमिकांमधून खूप नाव कमावलं. त्यांनी 'नीम का पेड', 'दस्तूर', 'चाणक्य', 'देख भाई देख', 'द ग्रेट मराठा', 'शक्तिमान', 'स्वाभिमान', 'देस में निकला होगा चांद','कुमकुम-एक प्यारा सा बंधन', 'वो रहने वाली महलों की' आणि 'देवों के देव महादेव' सारख्या अनेक लोकप्रिय मालिकांमध्ये काम केले आहे.

टीव्हीसोबतच त्यांनी चित्रपटांमध्येही काम केले आहे
अरुण यांनी 'राजू बन गया जेंटलमन', 'खलनायक', 'फूल और अंगारे', 'आ गले लग जा', 'पोलिसवाला गुंडा', 'सबसे बडा खिलाडी', 'सत्या' यांसारख्या अनेक चित्रपटांमध्ये काम केले आहे. 'हे राम', 'ओम जय' जगदीश, 'लगे रहो मुन्ना भाई', 'बर्फी', 'एअरलिफ्ट', 'रेडी', 'बागी 2', 3 इडियट्स आणि 'पानी'. तो आमिर खानच्या 'लाल सिंह चड्ढा' या चित्रपटात दिसला होते.

बातम्या आणखी आहेत...