आज मुंबईला परतणार विकी-कॅट:रणथंबोरहून डबल इंजिन हेलिकॉप्टरने जयपूर विमानतळावर उतरणार बॉलिवूड कपल, तेथून मुंबईला उड्डाण करतील

गुरुवारी संध्याकाळी विकी-कतरिनाने लग्नाच्या बेडीत घेतले. हा हायप्रोफाईल विवाहसोहळा सवाई माधोपूरच्या बरवाडा किल्ल्यावर झाला. बॉलिवूडचे हे नवविवाहित दाम्पत्य आज मुंबईत परतणार आहे. विकी-कतरिना रणथंबोरहून डबल इंजिन असलेल्या हेलिकॉप्टरमधून जयपूर विमानतळावर उतरेल. मग येथून पुढील फ्लाइट घेतील.

कतरिना कैफ आणि विकी कौशल यांनी लग्नानंतर त्यांचे फोटो शेअर केले आहेत. यासोबत कतरिनाने लिहिले की, 'आमच्या हृदयातील एकमेकांबद्दलचे प्रेम आणि आदर आज आम्हाला इथवर घेऊन आले आहे. आमच्या नवीन आयुष्यासाठी आम्हाला तुमच्या प्रेमाची आणि आशीर्वादाची गरज आहे.'

त्यांचे प्री-वेडिंग फंक्शन दोन दिवस चालले. बरवाडा किल्ल्यामध्ये मंडप सजवण्यात आला होता. गुरुवारी सकाळी दिल्लीहून फुले मागवण्यात आली. लग्नानंतर विकी-कतरिनाने किल्ल्याबाहेर असलेल्या आपल्या चाहत्यांसाठी मिठाई आणि केक पाठवले. बाहेर उपस्थित ग्रामस्थांनी लग्नासाठी दोघांचे अभिनंदन केले. विकी-कतरिनाचे काही फोटोही समोर आले आहेत. यामध्ये कतरिना लाल रंगाच्या वेडिंग आउटफिटमध्ये अतिशय सुंदर दिसत आहे.