'ये जवानी है दीवानी' चा दुसरा भाग येणार:रणबीर कपूरने दिले संकेत, म्हणाला-अयानकडे स्टोरी आहे, ब्रह्मास्त्र-2 च्या आधीही येऊ शकतो

2013 मध्ये प्रदर्शित झालेला ये जवानी है दिवानी हा चित्रपट जबरदस्त हिट ठरला होता. अयान मुखर्जीने या चित्रपटाचे दिग्दर्शन केले होते. या चित्रपटाने बॉक्स ऑफिसवर 320 कोटींचे कलेक्शन केले होते. चित्रपटातील मुख्य अभिनेता रणबीर कपूर याने अलिकडेच एका मुलाखतीदरम्यान या चित्रपटाच्या सिक्वेलचे संकेत दिले आहेत. रणबीरने म्हटले आहे की दिग्दर्शक आणि लेखक अयान मुखर्जींकडे त्याच्या सिक्वेलसाठी एक उत्तम कथा आहे.

रणबीर कपूरने अलीकडेच व्हर्च्युअल चॅट सत्रादरम्यान याविषयी चाहत्यांची उत्सुकता वाढवली आहे. रणबीरने सांगितले की, ये जवानी है दिवानी-2 या चित्रपटासाठी एक चांगले कथानक आहे, ज्यामध्ये बनी (रणबीर कपूर), नैना (दीपिका पदुकोण), अवी (आदित्य) आणि अदिती (कल्की) यांचे 10 वर्षांनंतरचे आयुष्य कसे आहे हे दाखवले जाईल. ये जवानी है दिवानीचा शेवट नैना आणि बनीच्या पॅच अपसह झाला, यात त्याने नोकरी सोडून नैनासोबत भारतात राहण्याचा निर्णय घेतला होता.

एक-दोन वर्षांनंतर चित्रपट बनू शकतो

रणबीर म्हणाला, मला वाटतं, ये जवानी है दिवानीचा चांगला सिक्वेल बनेल. मला आठवते की अयानची कथा चांगली होती, पण नंतर तो ब्रह्मास्त्रमध्ये व्यस्त झाला. पण हा चित्रपट कधीच येणार नाही असे नाही. कदाचित ते 2 वर्षांनी ये जवानी है दिवानीचा सिक्वेल बनवतील. मला वाटतं, नैना, बनी, अवि आणि अदिती 10 वर्षांनंतर काय करत असतील याची ही कथा असेल. मला वाटते की ही पात्रे एक्सप्लोर करणे खूप मनोरंजक असेल.

ये जवानी है दिवानी-2 ब्रह्मास्त्र-2 च्या आधी येऊ शकतो

काही वर्षांपूर्वी, बॉलीवूड हंगामाला दिलेल्या मुलाखतीत, रणबीर कपूरने यापूर्वीही ये जवानी है दिवानीच्या सिक्वेलबद्दल उल्लेख केला होता. रणबीर म्हणाला होता की, दिग्दर्शक अयान मुखर्जी ब्रह्मास्त्र पार्ट-1 आणि ब्रह्मास्त्र पार्ट-2 मध्ये ये जवानी है दिवानी-2 आणू शकतो. तो म्हणाला होता की अयान सध्या ब्रह्मास्त्रमध्ये व्यस्त आहे, पण तो माझ्याशी नेहमी ये जवानी है दिवानी-2 बद्दल बोलतो. कदाचित आम्ही ब्रह्मास्त्र भाग 1-2 च्या दरम्यान तो आणू.

40 कोटींमध्ये बनलेल्या चित्रपटाने 320 कोटींचे कलेक्शन केले

2013 मध्ये रिलीज झालेला ये जवानी है दिवानी 40 कोटींच्या बजेटमध्ये तयार झाला होता, ज्याने बॉक्स ऑफिसवर 320 कोटी कमावले होते. या चित्रपटाला कल्टचा दर्जा मिळाला आहे. बदतमीज दिल, कबीरा, दिल्लीवाली गर्लफ्रेंड, बलम पिचकारी आणि इलाही ही गाणी चार्टबस्टर होती, ज्यांनी एव्हरग्रीन ब्लॉकबस्टर साउंडट्रॅकचा दर्जा मिळवला आहे.

ये जवानी है दिवानी-2 2026 च्या आधी येईल का?

रणबीरच्या जुन्या मुलाखतीनुसार, सिक्वेल चित्रपट ब्रह्मास्त्र पार्ट 2 च्या आधी रिलीज होऊ शकतो. काही काळापूर्वी अयान मुखर्जीने ब्रह्मास्त्र पार्ट-2-देव 2026 मध्ये आणि तिसरा भाग 2027 मध्ये रिलीज होणार असल्याची घोषणा केली होती. अशा परिस्थितीत 2026 पूर्वी ये जवानी है दिवानी येऊ शकते. ब्रह्मास्त्रच्या दुसऱ्या भागात दीपिका पदुकोण रणबीर म्हणजेच शिवाच्या आईची भूमिका साकारताना दिसणार आहे.

आगामी प्रोजेक्ट्सबद्दल बोलायचे झाले तर रणबीर कपूर लवकरच 2023 मध्ये अॅनिमल या चित्रपटात दिसणार आहे. तर दीपिका पदुकोण जवान, प्रोजेक्ट-के आणि फायटर या चित्रपटांमध्ये दिसणार आहे. दिग्दर्शक अयान मुखर्जीच्या खात्यात सध्या फक्त ब्रह्मास्त्रचे आगामी भाग आहेत.