आपल्या शहरातील ताज्या बातम्या आणि ई-पेपर मिळवा मोफत

Install App

नवी भूमिका:श्री गुरुदेव दत्त साकारल्यानंतर आता मंदार जाधव ‘सुख म्हणजे नक्की काय असतं’मध्ये दिसणार नव्या रुपात

मुंबई21 दिवसांपूर्वी
  • कॉपी लिंक
  • निर्माता दिग्दर्शक महेश कोठारे यांच्या कोठारे व्हिजन्सने या मालिकेची निर्मिती केली आहे.

स्टार प्रवाहवरील 'श्री गुरुदेव दत्त' या मालिकेत श्री दत्तांची भूमिका साकारलेला अभिनेता मंदार जाधव आता नव्या रुपात प्रेक्षकांच्या भेटीला येणार आहे. स्टार प्रवाहवर ‘सुख म्हणजे नक्की काय असतं’ ही नवी मालिका लवकरच भेटीला येणार आहे. या मालिकेत तो जयदिप यशवंत शिर्के पाटील ही प्रमुख भूमिका साकारताना दिसेल. श्री गुरुदेव दत्त मालिकेतल्या मंदारच्या लूकचं खूपच कौतुक झालं होतं. सुख म्हणजे नक्की काय असतं मालिकेतील त्याचा लूकही लक्षवेधी असणार आहे. या लूकसाठी मंदार बरीच मेहनत घेतोय. लॉकडाऊनमध्ये मिळालेल्या वेळेचा सदुपयोग करत त्याने त्याच्या फिटनेसची पूर्ण काळजी घेतली आहे.

नव्या मालिकेतल्या भूमिकेविषयी सांगताना मंदार म्हणाला, 'श्री गुरुदेव दत्त नंतर पुन्हा एकदा स्टार प्रवाहची मालिका करतोय याचा प्रचंड आनंद आहे. कोल्हापूरात घडणारी ही गोष्ट आहे. जयदीप असं माझ्या व्यक्तिरेखेचं नाव असून तो परदेशात शिकलेला मुलगा आहे. जयदीप अन्यायाविरोधात नेहमी उभा ठाकतो आणि हेच त्याचं वेगळेपण आहे. आदर्श मुलगा, आदर्श भाऊ, आदर्श जावई याचं उत्तम उदाहरण म्हणून जयदीप या पात्राचा उल्लेख करता येईल. श्री दत्तांच्या रुपात प्रेक्षकांनी मला भरभरुन प्रेम दिलं त्यामुळे नव्या मालिकेतला माझा नवा अंदाजही प्रेक्षकांना आवडेल अशी आशा आहे.'

महेश कोठारे यांची निर्मिती 

निर्माता दिग्दर्शक महेश कोठारे यांच्या कोठारे व्हिजन्सने या मालिकेची निर्मिती केली आहे. अलीकडेच या मालिकेचा मुहूर्त पार पडला. यावेळी सेटवर महेश कोठारे, आदिनाथ कोठारे आणि उर्मिला कोठारे उपस्थित होते. देवीचा आशिर्वाद घेऊन आणि सरकारी सुचनांचं पूर्णपणे पालन करत शूटिंगचा श्रीगणेशा करण्यात आला.

0