आपल्या शहरातील ताज्या बातम्या आणि ई-पेपर मिळवा मोफत

Install App

टीव्ही अपडेट:अभिनेत्री वर्षा उसगावकर यांचं छोट्या पडद्यावर कमबॅक, ‘सुख म्हणजे नक्की काय असतं’ मालिकेत साकारणार कोल्हापूरातील घरंदाज सासू

मुंबईएका महिन्यापूर्वी
  • कॉपी लिंक
  • ‘सुख म्हणजे नक्की काय असतं’ ही मालिका 17 ऑगस्टपासून रात्री साडे नऊ वाजता प्रसारित होणार आहे.

स्टार प्रवाहवर 17 ऑगस्टपासून सुरु होणाऱ्या ‘सुख म्हणजे नक्की काय असतं’ या मालिकेतून सुप्रसिद्ध अभिनेत्री वर्षा उसगावकर भेटीला येणार आहेत. जवळपास 10 वर्षांपूर्वी 'मन उधाण वाऱ्याचे' या मालिकेत त्या भेटीला आल्या होत्या. आता ‘सुख म्हणजे नक्की काय असतं’ या मालिकेत त्या नंदिनी ही व्यक्तिरेखा साकारणार आहेत.

वर्षाजींना आतापर्यंत आपण ग्लॅमरस रुपात पाहिलं आहे. ‘सुख म्हणजे नक्की काय असतं’ या मालिकेतला त्यांचा घरंदाज सासुचा अंदाज नक्कीच वेगळा ठरणार आहे.

या मालिकेतल्या भूमिकेविषयी सांगताना वर्षा उसगावकर म्हणाल्या, '10 वर्षांनंतर पुन्हा एकदा स्टार प्रवाह आणि कोठारे व्हिजन्सची मालिका करताना आनंद होतोय. मालिकेमुळे आपण घराघरात पोहोचतो. प्रेक्षकांच्या जगण्याचा भाग होतो. त्यामुळेच मालिका करताना मला नेहमीच आनंद होतो. सुख म्हणजे नक्की काय असतं मालिकेतली ही भूमिका नक्कीच वेगळी आहे. नंदिनी गृहोद्योग समुहाची ती प्रमुख आहे. यासोबतच कोल्हापुरातल्या शिर्के पाटील या नामांकित कुटुंबाचं ती प्रतिनिधीत्व करते. नंदिनी हे पात्र प्रेक्षकांना आवडेल याची खात्री आहे', असे त्या म्हणाल्या.

0