सेलिब्रिटींचा गुढीपाडवा:अंकिता लोखंडे, सुयश टिळक साजरा करत आहेत लग्नानंतरचा पहिला पाडवा, बघा सेलिब्रिटींनी कसा साजरा केला हा सण

कोरोनानंतर दोन वर्षांनी यंदा गुढीपाडव्याचा सण मोठ्या उत्साहात साजरा होतोय. हा सण घरांघरांत आनंद-उत्साह घेऊन येतो. विजयाचे प्रतिक असलेली गुढी उभारली जाते, आंब्याची पाने आणि झेंडूच्या फुलांची तोरणे दाराची शोभा वाढवतात. नववर्षाच्या शुभेच्छांची देवाणघेवाण होत पाडव्याचा सण उत्साहात, आनंदात साजरा होतो. सर्वसामान्यांप्रमाणेच मराठी सेलिब्रिटीदेखील हा सण मोठ्या आनंदाने साजरा करत आहेत. कुटुंबाबरोबर हा सण साजरा करत हे सेलिब्रिटी पाडव्याचा गोडवा वाढवत आहेत. यंदा काही सेलिब्रिटी लग्नानंतरचा पहिला गुढीपाडवा साजरा करत आहेत. अभिनेता सुयश टिळक, अभिनेत्री अंकिता लोखंडे यांचा लग्नानंतरचा हा पहिलाच गुढीपाडवा आहे. पाहुयात सेलिब्रिटींचे हे खास फोटो -

अभिनेत्री अंकिता लोखंडे हिचा लग्नानंतरचा हा पहिलाच गुढीपाडवा. तिने पती विकी जैनसोबत गुढी उभारत हा सण मोठ्या आनंदात साजरा केला.

अभिनेत्री सोनाली बेंद्रे हिनेदेखील चाहत्यांना मराठी नवीन वर्षाच्या शुभेच्छा दिल्या आहेत.

अभिनेता सुयश टिळकनेसुद्धा पत्नीसोबत पहिला पाडवा साजरा केला आहे.

अभिनेता संकर्षण क-हाडे यानेदेखील चाहत्यांना गुढीपाडव्याच्या शुभेच्छा दिल्या आहेत.