आपल्या शहरातील ताज्या बातम्या आणि ई-पेपर मिळवा मोफत

डाउनलोड करा

आगामी मराठी चित्रपट:'रूप नगर के चीते' लवकरच प्रेक्षकांच्या भेटीला, जाणून घ्या मराठी चित्रपटाचे हिंदी शीर्षक असण्यामागची दोन कारणं

6 महिन्यांपूर्वी
  • कॉपी लिंक
  • विहान सूर्यवंशी हे 'रूप नगर के चीते'चं दिग्दर्शन करीत आहेत.

'रूप नगर के चीते' असं लक्षवेधी शीर्षक असलेल्या मराठी सिनेमाची नुकतीच घोषणा करण्यात आली आहे. आता मराठी सिनेमाचं शीर्षक असं हिंदी का? असा प्रश्न कदाचित तुम्हाला पडेल, पण त्यामागील कारणही तसंच आहे. 'रूप नगर के चीते' हे सिनेमाचं शीर्षक 90 च्या दशकात प्रदर्शित झालेल्या एका हिंदी सिनेमात असलेल्या 'हम रूप नगर के चीते है, शिकार पर ही जीते है' या गाजलेल्या संवादावरून प्रेरीत आहे. हा सिनेमा मुख्य भूमिकेत असलेले दोन चीते म्हणजेच जीवलग मित्रांवर बेतलेला असणं हे देखील शीर्षक 'रूप नगर के चीते' ठेवण्यामागील दुसरं कारण आहे.

बॉलिवूडमधील सुप्रसिद्ध फिल्ममेकर विपुल अमृतलाल शाह यांचे पुतणे संगीतकार मनन शाह यांनी एस एंटरटेन्मेंटच्या बॅनरखाली 'रूप नगर के चीते' या मराठी सिनेमाची निर्मिती केली आहे. प्रसिद्ध निर्माता-दिग्दर्शक रोहित शेट्टी यांच्या 'स्कूल, कॉलेज आणि लाईफ' या आगामी पहिल्या मराठी सिनेमाचं दिग्दर्शन करणारे विहान सूर्यवंशी हे 'रूप नगर के चीते'चं दिग्दर्शन करीत आहेत.

या सिनेमात दोन मित्रांच्या कथेसोबतच मैत्रीतील आजवर कधीही न उलगडलेले काही दुर्लक्षित पैलू सादर करण्यात आले आहेत. 'रूप नगर के चीते' हा सिनेमा दोन बालमित्रांचा रोमहर्षक प्रवास आणि एक घटना घडल्यानंतर त्यांचं दोन भिन्न शहरांतील विरोधाभासी जीवन दर्शवणारा आहे. फेब्रुवारी 2021 मध्ये या सिनेमाच्या चित्रीकरणाचा शुभारंभ होणार आहे. या निमित्तानं मराठीतील दोन चित्यांचा ऑनस्क्रीन प्रवास आणि त्यांची अनोखी कथा प्रेक्षकांना पहायला मिळणार आहे.

बातम्या आणखी आहेत...