आपल्या शहरातील ताज्या बातम्या आणि ई-पेपर मिळवा मोफत

Install App

ADS Free बातम्या वाचण्यासाठी आताच इंस्टॉल करा दिव्य मराठी अ‍ॅप

मराठी फिल्मफेअर अवॉर्ड सोहळा:रेड कार्पेटवर दिसला मराठी स्टार्सचा जलवा, परिणीती चोप्राची खास हजेरी; जाणून घ्या कोणकोणत्या कलाकारांनी उमटवली पुरस्कारावर मोहोर

2 महिन्यांपूर्वी
  • कॉपी लिंक
  • मराठी चित्रपटसृष्टीतील योगदानासाठी महेश कोठारे यांना पुरस्काराने सन्मानित करण्यात आले.

रविवारी मुंबईत मराठी फिल्मफेअर अवॉर्ड सोहळा पार पडला. या सोहळ्याच्या रेड कार्पेटवर मराठी स्टार्सचा जलवा बघायला मिळाला. अमृता खानविलकर, क्रांती रेडकर, पूजा सावंत, मानसी नाईक, मैथिली पालकर, सोनाली कुलकर्णी, मृण्मयी देशपांडे या तारकांसह मराठीतील अभिनेत्यांनीही स्टायलिश लूकने सर्वांचे लक्ष वेधून घेतले. विशेष म्हणजे बॉलिवूड अभिनेत्री परिणीती चोप्रा हिची खास हजेरी या पुरस्कार सोहळ्याला होती.

या पुरस्कार सोहळ्यात अनेक मराठी चित्रपटांनी, कलाकारांनी विविध विभागांसाठी पुरस्कार जिंकले. या सोहळ्याचं सूत्रसंचालन अभिनेता अमेय वाघ आणि सिद्धार्थ जाधव यांनी केले

यंदाच्या पुरस्कार सोहळ्यात सर्वोत्कृष्ट अभिनेत्याचा मान बॉलिवूड अभिनेता दिपक डोब्रियाल याला मिळाला. संजय दत्तच्या ‘बाबा’ या चित्रपटाद्वारे दिपक डोब्रियालने मराठी चित्रपटसृष्टीत पदार्पण केले आणि याच चित्रपटातील भूमिकेसाठी त्याला सर्वोत्कृष्ट अभिनेत्याचा पुरस्कार मिळाला. त्याच्या वतीने त्याच्या पत्नीने हा पुरस्कार स्वीकारला. तर ‘स्माईल प्लीज’ या चित्रपटासाठी मुक्ता बर्वे ही सर्वोत्कृष्ट अभिनेत्री ठरली.

या पुरस्कार सोहळ्यात दबदबा राहिला तो ‘आनंदी गोपाळ’ या चित्रपटाचा. या चित्रपटाचे दिग्दर्शक समीर विद्वांस यांनी सर्वोत्कृष्ट दिग्दर्शकाचा मान पटकावला. तर याच चित्रपटासाठी अभिनेता ललित प्रभाकरला सर्वोत्कृष्ट अभिनेता (समीक्षक) आणि भाग्यश्री मिलिंद हिला सर्वोत्कृष्ट अभिनेत्री (समीक्षक) पुरस्काराने गौरविण्यात आले.

सर्वोत्कृष्ट अभिनेत्री (समीक्षक) हा पुरस्कार भाग्यश्री मिलिंद हिच्यासह 'हिरकणी' चित्रपटासाठी सोनाली कुलकर्णी हिला विभागून देण्यात आला आहे. मराठी चित्रपटसृष्टीतील योगदानासाठी महेश कोठारे यांना पुरस्काराने सन्मानित करण्यात आले.

  • सर्वोत्कृष्ट संगीत अल्बम- सौरभ भालेराव, हृषिकेश दातार, जसराज जोशी
  • सर्वोत्कृष्ट पटकथा- करन शर्मा
  • सर्वोत्कृष्ट संवाद- इरावती कर्णिक
  • सर्वोत्कृष्ट निर्मिती संयोजन- सुनील निगवेकर, निलेश वाघ
  • सर्वोत्कृष्ट सिनेमॅटोग्राफी- आकाश अगरवाल
  • सर्वोत्कृष्ट एडिटींग- चारूश्री रॉय
  • सर्वोत्कृष्ट बालकलाकार- आदर्श कदम, वेदश्री खाडिलकर (खारी बिस्कीट )
  • सर्वोत्कृष्ट लिरिक्स- क्षितीज पटवर्धन (खारी बिस्कीट )
  • सर्वोत्कृष्ट पार्श्वगायक- आदर्श शिंदे (खारी बिस्कीट )
  • सर्वोत्कृष्ट पदार्पण (अभिनेत्री)- शिवानी सुर्वे (ट्रिपल सीट)
  • सर्वोत्कृष्ट पदार्पण (अभिनेता)- शुभंकर तावडे (कागर)
  • सर्वोत्कृष्ट पदार्पण (दिग्दर्शन)- सलील कुलकर्णी (वेडिंगचा शिनेमा)

  • सर्वोत्कृष्ट चित्रपट (समीक्षक)- बाबा
  • सर्वोत्कृष्ट सहाय्यक अभिनेता- शशांक शेंडे (कागर)
  • सर्वोत्कृष्ट सहाय्यक अभिनेत्री- नीना कुलकर्णी (मोगरा)
  • सर्वोत्कृष्ट पार्श्वगायिका- शाल्मली खोलगडे (गर्लफ्रेंड)

बातम्या आणखी आहेत...