आपल्या शहरातील ताज्या बातम्या आणि ई-पेपर मिळवा मोफत

Install App

शूटिंग अपडेट:‘राजा रानीची गं जोडी’ मालिकेच्या चित्रीकरणाचा श्रीगणेशा, शिवानी सोनार म्हणाली - ‘इतक्या दिवसाने कॉल टाईमचा मेसेज बघून आनंद झाला’ 

मुंबई4 महिन्यांपूर्वी
  • कॉपी लिंक
  • ‘राजा रानीची गं जोडी’ या मालिकेचे नवीन भाग येत्या 21 जुलैपासून प्रेक्षकांना बघता येणार आहेत.

कोरोनाच्या प्रादुर्भावाने जवळपास तीन महीने सर्वकाही ठप्प झाले होते.पण आता मात्र हळूहळू पूर्वपदावर येत असल्याचे दिसू लागले आहे. कलर्स मराठीवरील ‘राजा रानीची गं जोडी’ या मालिकेच्या चित्रीकरणाला सुरुवात झाली आहे. सरकारने आखून दिलेल्या नियमांचे पालन करत आणि योग्य ती काळजी घेत मालिकेच्या सेटवर चित्रीकरणाचा श्रीगणेशा झाला. शूटिंगला सुरुवात होण्याआधी जवळपासचा परिसर, मेकअप रूम्स, सेटचे सॅनिटाईझेशन करण्यात आले आहे.

सेटवर पोहोचलेल्या अभिनेत्री शुभांगी गोखले
सेटवर पोहोचलेल्या अभिनेत्री शुभांगी गोखले

‘राजा रानीची गं जोडी’ मालिकेने पहिल्या भागापासून प्रेक्षकांची मने जिंकली मग ती कथा असो, रिअल लोकेशन्स असो वा मालिकेतील पात्र असो. प्रेक्षकांनी मालिकेला भरभरून प्रेम दिले आणि आता लवकरच मालिकेचे नवे भाग प्रेक्षकांच्या भेटीस येणार आहेत. ज्येष्ठ अभिनेत्री शुभांगी गोखले, शिवानी सोनार, मनीराज पवार, श्रुती अत्रे, गार्गी फुले आणि इतर कलाकारांच्या उपस्थितीत मालिकेच्या शूटिंगला सुरुवात करण्यात आली आहे.

सेटवर सगळे कलाकार आणि क्रू मेंबर्स मास्क लावून दिसले.
सेटवर सगळे कलाकार आणि क्रू मेंबर्स मास्क लावून दिसले.

मालिकेतील कलाकार दिवसातील जास्तीत जास्त वेळ सेटवरच असतात. आणि म्हणूनच सेट म्हणजे कलाकारांसाठी जणू दुसरं घरच असतं. मालिकेच्या संपूर्ण टिमशी घरोप्याचे संबंध तयार होतात. त्यामुळे सेटवरील सर्व कलाकार, तंत्रज्ञ आणि इतर मंडळी तीन महिन्यानंतर झालेल्या भेटीनंतर थोडे भाऊक झाले पण त्यांच्यामध्ये एक वेगळाच उत्साहदेखील होता. चित्रीकरण सुरू झाले असून मालिकेची टीम आता प्रेक्षकांना पुन्हा भेटण्यासाठी सज्ज झाली आहे. शूटिंगदरम्यान मास्क घालून वावरणे अनिवार्य असणार आहे, याचसोबत आवश्यक तितक्याच क्रूमेंबर्सच्या उपस्थिती चित्रीकरण पार पडणार आहे.

अभिनेत्री शिवानी सोनार
अभिनेत्री शिवानी सोनार

प्रेक्षकांची लाडकी संजु म्हणजेच अभिनेत्री शिवानी सोनारने पुन्हा शूटिंग सुरु झाल्याबद्दल आनंद व्यक्त केला आहे. ती म्हणते, ‘इतक्या दिवसानंतर कॉल टाईमचा मेसेज बघून मला खूप आनंद झाला.  मी स्वत: उत्सुक आहे पुन्हा एकदा संजुला भेटण्यासाठी तर प्रेक्षकांच्या उत्सुकतेचा अंदाज मी लावूच शकते. आम्ही सगळेच आतुर आहोत प्रेक्षकांना पुन्हा भेटण्यासाठी. आम्हाला खात्री आहे आमच्यावरचे तुमचे प्रेम असेच कायम राहील.'