सुशांतचा फ्लॅट भाड्याने घेत नाहीत लोक:ब्रोकर म्हणाला- भाड्याने राहू द्या, लोक हे घर पाहायलाही घाबरतात

सुशांतसिंह राजपूतला जग सोडून अडीच वर्षांहून अधिक काळ लोटला असला तरी त्याचा वांद्रे पश्चिमेचा फ्लॅट अजूनही रिकामाच आहे. तो फ्लॅट घेण्यास एकही भाडेकरू तयार नाही. सुशांतने या फ्लॅटवर आत्महत्या केल्याचे जेव्हा लोकांना कळते, तेव्हा तो भाड्यानेच काय तर पाहण्यासाठीसुद्धा कोणी येत नाही. नुकतेच, मीडियाशी बोलताना मुंबईतील एका रिअल इस्टेट ब्रोकरने सांगितले की, चांगली जागा असूनही लोक हा फ्लॅट घेण्यास घाबरतात. सध्या या फ्लॅटचे मासिक भाडे 5 लाख रुपये असल्याचेही त्या दलालाचे म्हणणे आहे.

लोक फ्लॅट घेण्यास घाबरतात
रिअल इस्टेट ब्रोकर रफिक मर्चंटने अलीकडेच त्याच्या सोशल मीडिया अकाउंटवर फ्लॅटचे काही फोटो आणि व्हिडिओ शेअर केले आहेत. जेव्हा मीडियाने त्याला विचारले की हा तोच फ्लॅट आहे का जिथे सुशांत सिंह राजपूत राहत होता, तेव्हा त्याने हो असे उत्तर दिले.

याशिवाय तो म्हणाला- 'हा फ्लॅट घेण्यासाठी भाडेकरू मिळत नाहीये. कोणाला फ्लॅट घ्यायचा असेल आणि त्याला या फ्लॅटचा इतिहास कळताच तो नकार देतो. लोक हा फ्लॅट घ्यायला घाबरतात. रफिक म्हणतो की फ्लॅटचा मालक त्याचे दर कमी करू इच्छित नाही कारण त्याने तसे केल्यास फ्लॅट लवकरच विकला जाईल.

मालकाला फिल्मस्टार्सना फ्लॅट द्यायचा नाही
रफिक मर्चंटचे असेही म्हणणे आहे की, मालकाला हा फ्लॅट कोणत्याही चित्रपट कलाकारांना भाड्याने द्यायचा नाही. रफिक म्हणाला- 'या फ्लॅटचा मालक एनआरआय आहे आणि आता तो हा फ्लॅट कोणत्याही फिल्म स्टारला भाड्याने देऊ इच्छित नाही. मग तो कितीही मोठा सेलिब्रिटी असो. कॉर्पोरेट क्षेत्राशी निगडीत व्यक्तीला फ्लॅट द्यायला हवा, असे त्यांचे स्पष्ट म्हणणे आहे.

रफिक सांगतात की, पूर्वी लोक हा फ्लॅट पाहायलाही येत नव्हते, पण आता हळूहळू लोक तो खरेदी करण्यात रस दाखवत आहेत. कोणी घेण्यास तयार असले तरी त्याचे कुटुंबीय नकार देतात, त्यामुळे अद्याप कोणताही करार झालेला नाही.

या फ्लॅटसाठी सुशांत 4.51 लाख रुपये भाडे देत होता
14 जून 2020 रोजी सुशांत सिंह राजपूतने स्वतःच्या फ्लॅटमध्ये आत्महत्या केली होती. सुशांतच्या मृत्यूपासून हे घर रिकामे आहे. समुद्राच्या बाजूला असलेल्या या अपार्टमेंट फ्लॅटमध्ये चार मोठ्या खोल्या आहेत. त्यात एक मोठा हॉल आणि ड्रॉईंग रूम आहे. सुशांत या फ्लॅटचे दरमहा ४.५१ लाख भाडे देत असे.