आदित्य सिंह राजपूत मृत्यू प्रकरण:पोलिस म्हणाले- आदित्य बाथरूममध्ये घसरला, हाऊसहेल्प म्हणाली- आदित्यला उलट्या होत होत्या

22 मे रोजी टीव्ही अभिनेता आदित्य सिंह राजपूतचा संशयास्पद परिस्थितीत मृत्यू झाला. अंधेरीतील त्याच्या घरातील बाथरूममध्ये ते बेशुद्धावस्थेत आढळला. माहिती मिळताच आदित्यचे मित्र आले आणि त्याला रुग्णालयात घेऊन गेले, तेथे डॉक्टरांनी त्याला मृत घोषित केले. हे प्रकरण संशयास्पद असल्याने पोलिस चौकशी करत आहेत.

आदित्यचा मृत्यू कथितपणे घसरून बाथरूममध्ये पडल्याने झाल्याचं पोलिसांनी म्हटलं आहे. आदित्यच्या कानावर आणि डोक्यावर दोन जखमांच्या खुणा दिसल्या. आदित्यच्या घरी काम करणाऱ्या हाऊस हेल्पने सांगितले की, तो अनेक दिवसांपासून आजारी होता. त्याला उलट्याही होत होत्या.

आदित्यला सकाळपासून उलट्या होत होत्या, तो बाथरुममध्ये गेल्यावर बेशुद्ध पडला

हाऊस हेल्पच्या म्हणण्यानुसार, आदित्य सोमवारी सकाळी 11 वाजता उठला. त्याने नाष्ट्यात पराठा खाल्ला, पण जेवल्यानंतर लगेचच त्याला उलट्या होऊ लागल्या. यानंतर त्याने खिचडी बनवण्यास सांगितले.

दुपारी 2 ते 2.30 च्या दरम्यान आदित्य बाथरूममध्ये गेला. यानंतर बाथरूममधून मोठा आवाज आला. हाऊस हेल्पला आदित्य जमिनीवर पडलेला दिसला. त्यानंतर हाऊस हेल्पने वॉचमनला बोलावले. बाथरूममधील फरशा तुटल्याचे वॉचमनच्या लक्षात आले. दोघांनी आदित्यला उचलून बेडवर झोपवले. जवळच्या डॉक्टरांना बोलावले. डॉक्टरांनी सांगितले की आदित्यला हॉस्पिटलमध्ये हलवावे लागेल.

आज पोस्टमॉर्टम होणार आहे, आदित्यची आईही पोहोचली

डॉक्टरांच्या सूचनेनंतर आदित्यच्या महिला मैत्रिणीला घटनेची माहिती देण्यात आली. यानंतर पोलिसांनाही माहिती देण्यात आली. यानंतर आदित्यला खासगी रुग्णालयात दाखल करण्यात आले, मात्र तेथून त्याला तातडीने जोगेश्वरीच्या ट्रॉमा केअरमध्ये हलवण्यात आले. तिथे आदित्यचा मृत्यू झाल्याचे निष्पन्न झाले.

सध्या पोलीस या प्रकरणाचा अधिक तपास करत आहेत. आदित्यची आईही मुंबईत पोहोचली आहे. आजच सिद्धार्थ रुग्णालयात शवविच्छेदन होणार आहे. जर कुटुंब तयार असेल तर आजच अंत्यसंस्कार केले जातील.

'औषधांच्या ओव्हरडोसच्या बातम्या मूर्खपणाच्या आहेत'

ज्या सोसायटीत आदित्य राहत होता तिथले काही लोक म्हणतात की ड्रग्ज ओव्हरडोसच्या बातम्या मूर्खपणाच्या आहेत. हे फक्त प्रसारमाध्यमांमध्ये चालवले जात आहे. ते म्हणतात की आदित्य खूप आनंदी व्यक्ती होता. तो नेहमी लोकांना हसवत असे. आजूबाजूच्या लोकांसाठी तो प्रेरणास्थान होता. त्याच्या जाण्याने चित्रपट जगताचे मोठे नुकसान झाले आहे.

मृत्यूच्या काही तास आधी आदित्यची ही इंस्टाग्राम स्टोरी पहा.