आपल्या शहरातील ताज्या बातम्या आणि ई-पेपर मिळवा मोफत

डाउनलोड करा

तुटली सिडनाजची जोडी:सिद्धार्थ शुक्लाच्या निधानाने शहनाज गिलला धक्का, अभिनेत्रीने वृत्त मिळताच थांबवली शूटिंग

21 दिवसांपूर्वी
  • कॉपी लिंक
  • आम्ही एक प्योर रिलेशनशिप शेअर केली

बिग बॉस सीझन -13 चा विजेता सिद्धार्थ शुक्लाचे गुरुवारी हृदयविकाराच्या झटक्याने निधन झाले. तो 40 वर्षांचा होता. हृदयविकाराचा झटका आल्यानंतर त्याला मुंबईतील कूपर रुग्णालयात नेण्यात आले, जिथे डॉक्टरांनी त्याला मृत घोषित केले. सांगितले जात आहे की त्याने बुधवारी रात्री झोपण्यापूर्वी काही औषधे घेतली होती. त्यानंतरच त्याची प्रकृती खालावत गेली. रिपोर्ट्सनुसार, सिद्धार्थच्या मृत्यूची बातमी ऐकून शहनाज गिलला मोठा धक्का बसला आहे. तिला या गोष्टीवर अजूनही विश्वास बसत नाही.

सिद्धार्थच्या मृत्यूची बातमी मिळताच शहनाजने शूटिंग थांबवले
सुत्रांनी दिलेल्या माहितीनुसार, शहनाज एका प्रोजेक्टचे शूटिंग करत असताना तिला बातमी मिळाली. सिद्धार्थच्या जाण्याची बातमी ऐकल्यानंतर तिने लगेच शूटिंग थांबवले आणि सेट सोडून निघून गेली. आतापर्यंत सिद्धार्थच्या मृत्यूबाबत शहनाजने कोणतीही प्रतिक्रिया दिलेली नाही.

सिद्धार्थ शुक्ला आणि शहनाज गिलची जोडी चाहत्यांना खूप आवडली. चाहते या जोडीला सिडनाज म्हणत असत. सिद्धार्थ अर्थात सिडच्या मृत्यूनंतर आता हे जोडपे तुटले आहे आणि नाज एकटी पडली आहे. शहनाज गिल आणि सिद्धार्थची मैत्री बिग बॉस 13 च्या दरम्यान सुरू झाली. त्याच वेळी, शोनंतरही दोघेही शेवटपर्यंत चांगले मित्र राहिले. चाहत्यांचा विश्वास होता की दोघे एकमेकांवर खूप प्रेम करतात, परंतु त्यांनी नेहमीच एकमेकांचे चांगले मित्र असल्याचे म्हटले. अलीकडेच, शहनाज गिल आणि सिद्धार्थ 'बिग बॉस ओटीटी' आणि 'डान्स दिवाने 3' मध्ये दिसले होते.

सिद्धार्थसोबतच्या आपल्या इक्वेशनविषयी शहनाझने हे सांगितले होते
शहनाज गिलने काही दिवसांपूर्वी एका मुलाखतीत सिद्धार्थ शुक्लासोबतच्या तिच्या समीकरणाबद्दल बोलली होती आणि म्हटले होते की तो तिच्यासाठी 'कुटुंबासारखा' आहे. शोनंतर दोघेही अनेकदा एकमेकांसोबत दिसले. शहनाझने सिडनाझच्या लोकप्रियतेचे स्पष्टीकरण देताना सांगितले की, "सिडनाज अजूनही एक का आहे यामागचे एकमेव रहस्य हे आहे, की ते खरे आहे. आम्ही एक प्योर रिलेशनशिप शेअर केली. मला वाटते की लोक त्याच्याशी जोडले गेले. ज्या प्रकारे त्यांनी माझ्यावर प्रेम केले आणि माझ्यावर प्रेम दाखवले, मला खरोखर ते आवडले. आम्हा दोघांना एकमेकांबद्दल सारख्याच भावना होत्या. तो खूप गोड होता. मी स्वतः सहमत आहे की सिद्धार्थसोबतचे माझे नाते वेगळे आहे. तो माझ्या कुटुंबासारखा आहे. "

बातम्या आणखी आहेत...