बिग बॉस फेम उर्वशी ढोलकियाचा झाला अपघात:स्कूल बसने तिच्या कारला दिली धडक, थोडक्यात बचावली

बिग बॉस 6 ची विजेती अभिनेत्री उर्वशी ढोलकियाच्या कारला 4 फेब्रुवारी रोजी अपघात झाला. मात्र, या अपघातातून ती थोडक्यात बचावली. यावेळी तिच्यासोबत तिचे कर्मचारीही उपस्थित होते. शनिवारी मीरा रोडवरील एका फिल्म स्टुडिओत ती तिच्या कारमधून जात होती. यादरम्यान एका स्कूल बसने तिच्या कारला मागून धडक दिली. ही टक्कर जोरदार होती असे बोलले जात आहे.

चाहत्यांनी काळजी करण्याची गरज नाही, मी ठीक आहे!

मीडिया रिपोर्ट्सनुसार उर्वशीने अपघातानंतर बस चालकावर कोणताही गुन्हा दाखल केलेला नाही. ती म्हणाली की, हा अपघात होता. चाहत्यांनी काळजी करण्याची गरज नाही. मी ठीक आहे!

काश्मिरिया पोलिसांनी स्कूल बसच्या चालकाचा जबाब नोंदवला आहे. आता ही बातमी ऐकल्यानंतर चाहत्यांपासून ते सेलिब्रिटींपर्यंत उर्वशीची काळजी वाटत आहे आणि तिला आराम करण्याचा सल्ला दिला जात आहे.

खरी ओळख मिळाली 'कसौटी जिंदगी की'मधून

उर्वशीने आपल्या करिअरची सुरुवात अगदी लहान वयात केली होती. वयाच्या 6 व्या वर्षी एका जाहिरातीत काम केले. यानंतर ती 'देख भाई देख' या टीव्ही मालिकेत दिसली. उर्वशीने अनेक टीव्ही मालिकांमध्ये काम केले असले तरी तिला खरी ओळख 'कसौटी जिंदगी की' या मालिकेतील कोमोलिकाच्या भूमिकेतून मिळाली. यानंतर तिने 'घर एक मंदिर', 'कभी सौतन कभी सहेली', 'कहीं तो होगा', 'घर एक मंदिर', 'कहानी तेरी मेरी', 'बेताब दिल की तमन्ना है', 'बडी दूर से आये हैं' हे सिनेमे केले. टीव्ही शोमध्येही काम केले आहे.

उर्वशीचे वयाच्या 15व्या वर्षी झाले होते लग्न

मीडिया रिपोर्ट्सनुसार उर्वशीचे वयाच्या 15व्या वर्षी लग्न झाले होते. वयाच्या 16 व्या वर्षी ती जुळ्या मुलांची आई झाली. पण लग्नाच्या दीड वर्षानंतरच ती पतीपासून विभक्त झाली. पतीपासून विभक्त झाल्यानंतर उर्वशीने आपल्या दोन्ही मुलांना सिंगल मदर म्हणून वाढवले ​​आहे.