आपल्या शहरातील ताज्या बातम्या आणि ई-पेपर मिळवा मोफत

डाउनलोड करा

काबुल ब्लास्टची सर्वात इमोशनल घटना:स्फोटांदरम्यान दुरावलेला 3 वर्षांचा चिमुकला 2 आठवड्यांनंतर कुटुंबाला भेटला; 17 वर्षांच्या मुलाने वाचवले होते प्राण

टोरंटो4 दिवसांपूर्वी
  • कॉपी लिंक
  • विमानतळावरील 17 वर्षांच्या मुलाने बाहेर पडण्याचे धाडस दाखवले नसते तर कदाचित अली तिथून कधीच निघू शकला नसता.

26 ऑगस्ट रोजी अफगाणिस्तानची राजधानी काबुलच्या विमानतळावर झालेल्या फिदाईन हल्ल्यात 169 लोक मारले गेले. स्फोटांनंतर विमानतळावर मृतदेहांचा खच पडला आणि जखमी लोक रक्ताच्या थारोळ्यात व्हिवळत होते. या हल्ल्यात अनेक महिला आणि मुलांनीही आपला जीव गमावला, तर चेंगराचेंगरीमध्ये अनेक निष्पाप लोक त्यांच्या कुटुंबापासून विभक्त झाले. तीन वर्षांचा अली (नाव बदलले आहे) देखील त्यापैकी एक होता. वाचा हे बाळ कसे जिवंत राहिले आणि 2 आठवड्यांनंतर ते आपल्या कुटुंबाला कसे भेटू शकले ...

काबूल विमानतळावरील स्फोटानंतर अली त्याची आई आणि भावंडांपासून विभक्त झाला होता, पण कसा तरी दोहा येथे पोहोचला. आता दोन आठवड्यांनंतर, जेव्हा तो कॅनडामध्ये त्याच्या कुटुंबाला भेटला, तेव्हा अली आणि त्याच्या कुटुंबातील सदस्यांनाच नव्हे तर इतर लोकांनी ज्यांनी पाहिले आणि ऐकले ते इमोशनल होत आहेत. जेव्हा अलीचे वडील शरीफ (नाव बदलले) मुलाला मिठी मारली तेव्हा आनंद व्यक्त करण्यासाठी त्याच्या तोंडातून शब्द बाहेर पडू शकले नाहीत, शरीफ यांनी फक्त सांगितले की, ते दोन आठवड्यांपासून झोपले नाहीयेत.

दोहामध्ये अलीची काळजी घेणाऱ्या कतारच्या परराष्ट्र मंत्रालयाने सांगितले की, काबूल विमानतळावरील 17 वर्षांच्या मुलाने बाहेर पडण्याचे धाडस दाखवले नसते तर कदाचित अली तिथून कधीच निघू शकला नसता. स्फोटांनंतरच्या गोंधळादरम्यान, जेव्हा 17 वर्षांच्या मुलाने 3 वर्षांच्या अलीला घाबरलेले पाहिले, तेव्हा त्याने स्वत: ची काळजी न करता अलीला सुरक्षित ठिकाणी नेण्याचा निर्णय घेतला आणि ते करुनही दाखवले. यामुळेच आज अली आपल्या कुटुंबासह हसताना दिसत आहे.

तीन वर्षांचे मूल दोन आठवड्यांसाठी कुटुंबापासून दूर अनिश्चिततेच्या स्थितीत राहिल्यानंतर आणि आई आपल्या मुलापासून अशा प्रकारे विभक्त झाल्यानंतर काय होते हे सांगण्याची गरज नाही. अलीचे वडील दोन वर्षांनंतर आपल्या मुलाला भेटले होते, कारण दोन वर्षांपूर्वी ते व्यवसायाच्या निमित्ताने अफगाणिस्तानातून कॅनडाला आले होते.

तालिबान्यांनी काबूल ताब्यात घेतल्यानंतर हजारो लोकांप्रमाणे अलीच्या आईने 26 ऑगस्ट रोजी काबूल विमानतळावर आपल्या मुलांसह कॅनडाला जाण्यासाठी प्रतिक्षा करत होती. दरम्यान, दहशतवादी हल्ल्यामुळे अली त्यांच्यापासून विभक्त झाला. त्यानंतर दोन दिवसांनी 28 ऑगस्ट रोजी, जेव्हा एअरलिफ्ट पुन्हा सुरू झाली, तेव्हा अमेरिकन सैनिकांनी अलीला एकट्याने दोहाच्या विमानात बसवले आणि दोहामध्ये आल्यावर त्याला एका अनाथाश्रमात ठेवले गेले. आता, दोन आठवड्यांनंतर, अलीला सोमवारी संध्याकाळी दोहा ते टोरांटो या विमानाने कॅनडाला रवाना करण्यात आले आहे.

कॅनडाच्या ग्रेटर टोरंटो परिसरात राहणारे अफगाण समुदायाचे सदस्य आणि शरीफ यांचे मित्र, म्हणाले की, ते दोन वर्षांपूर्वी शरणार्थी म्हणून कॅनडामध्ये आले होते आणि दोन महिन्यांपूर्वी त्यांच्या कुटुंबाला अफगाणिस्तानातून कॅनडाला आणण्यातही यशस्वी झाले होते. त्यामुळे आता त्यांना त्यांच्या मित्राच्या (शरीफ) आनंदाची जाणीव होऊ शकते.

बातम्या आणखी आहेत...