पाक लष्कर-तालिबानमध्ये गोळीबार:6 जण ठार तर 17 जखमी, दोन्ही देशांच्या सीमेवर प्रचंड तणाव

पाकिस्तान आणि अफगाणिस्तानमध्ये तणाव वाढत चालला आहे. रविवारी दोन्ही देशांच्या सीमेवर गोळीबार झाला. यामध्ये 6 जणांचा मृत्यू झाला असून 17 जण जखमी झाले आहेत.

मीडिया रिपोर्ट्सनुसार, स्पिन-बोल्दाकमध्ये हा गोळीबार झाला. येथून दोन्ही देशांची चमन सीमा दिसते आणि हा भाग कंदाहार अंतर्गत येतो. तालिबान आपल्या नागरिकांवर गोळीबार करत असल्याचा पाकिस्तानचा आरोप आहे. स्थानिक माध्यमांनी दिलेल्या वृत्तानुसार, रात्री उशिरापर्यंत गोळीबार सुरू होता.

अफगाण मीडियाने पुष्टी केली
अफगाणिस्तानच्या वेबसाइट 'टोलो न्यूज'ने गोळीबारात जखमी झालेल्या लोकांचे व्हिडिओ आणि फोटो जारी केले आहेत. वेबसाइटनुसार, 6 जणांचा मृत्यू झाला असून 17 जखमींपैकी काहींची प्रकृती चिंताजनक आहे. पाकिस्तानच्या लष्कराने रविवारी रात्री जारी केलेल्या निवेदनात म्हटले आहे की, 11 डिसेंबर रोजी अफगाणिस्तानकडून बलुचिस्तानच्या निवासी भागात गोळीबार झाला होता. यात 6 जणांचा मृत्यू झाला असून 17 जण जखमी झाले आहेत. अफगाण तालिबान आमच्या नागरी भागांवर सतत गोळीबार करत आहेत. या हल्ल्याला आम्हीही चोख प्रत्युत्तर दिले आहे. सीमेवर सध्या प्रचंड तणाव आहे. हे कमी करण्यासाठी काबूलमध्ये संपर्क साधण्याचा प्रयत्न केला जात आहे.

मुत्सद्देगिरीही फसली
पाकिस्तान आणि अफगाणिस्तानच्या सीमेवर जवळपास 6 महिन्यांपासून प्रचंड तणाव आहे. अलीकडेच तालिबानच्या गोळीबारात 6 पाकिस्तानी सैनिक मारले गेले. हा तणाव कमी करण्यासाठी पाकिस्तानच्या परराष्ट्र राज्यमंत्री हिना रब्बानी खार या दोन आठवड्यांपूर्वी अफगाणिस्तानला गेल्या होत्या. त्यांच्यासोबत परराष्ट्र आणि संरक्षण मंत्रालयातील अधिकाऱ्यांचे शिष्टमंडळ होते.

विशेष बाब म्हणजे महिलांना सीमाभिंती आणि हिजाबमध्ये कैद ठेवण्याचा सल्ला देणाऱ्या तालिबान सरकारच्या अधिकाऱ्यांनी हिना यांचे स्वागत करण्यासाठी काबूल विमानतळावर पोहोचले. यावेळी हिना अगदी आपल्या जुन्या ग्लॅमरस स्टाईलमध्ये होत्या. हिजाब घालणे तर दूरच, त्यांनी डोक्यावर स्कार्फही घेतलेला नव्हता.

आधी वाद जाणून घ्या

हिना यांच्या भेटीचा उद्देश...