संसर्गाचा धोका:अमेरिकेत 71 % पालक शाळा उघण्याच्या विरोधात; राष्ट्रध्यक्ष डोनाल्ड ट्रम्प यांनी बंद ठेवलेल्या शाळांचे अनुदान थांबवण्याची दिली धमकी

कोरोना संसर्गाच्या महामारीमुळे अमेरिका सर्वाधिक प्रभावित झाला असून शाळा सुरू होण्याबाबत जोरदार चर्चा सुरू आहेत. अनेक पालक शाळा उघडण्याच्या बाजूने नाहीत. जुलैमध्ये क्विनिपियॅक युनिव्हर्सिटीमध्ये सर्वेक्षण केलेल्या ६२ टक्के लोकांनी असे म्हटले आहे की, अशा वेळी शाळा उघडणे असुरक्षित आहे. अ‍ॅक्सिओस/इप्सॉस सर्वेक्षणात ७१ टक्के पालकांना अशा परिस्थितीत मुलांना शाळेत पाठवणे धोकादायक वाटते. शालेय अधीक्षक असोसिएशनच्या म्हणण्यानुसार, जिल्ह्यात सरासरी शाळेत मास्क, साफसफाई, परिचारिका, कॅम्पस-फ्री संसर्गावर सुमारे १३ कोटी रुपये खर्च येईल. अमेरिकेत गेल्या महिन्यात अनेक जिल्ह्यांत सप्टेंबरमध्ये शाळा सुरू करण्याची घोषणा करण्यात आली. पालकांसह शिक्षक म्हणतात की, सध्याच्या परिस्थितीत मुलांना शाळेत यावे, अशी त्यांची इच्छा नाही. शिक्षक संघटनांनी असुरक्षित वर्गात परत येणार नसल्याचे म्हटले आहे. अमेरिकन टीचर्स फेडरेशनचे प्रमुख रॅन्डी विंगार्टन म्हणतात, “पुरेशा सुरक्षा व्यवस्थेत आम्ही शाळा उघडण्याच्या बाजूने होतो. एप्रिलमध्ये शाळा सुरू करण्यासाठी युनियनने सविस्तर योजना सादर केली. तथापि, संसर्गाद्वारे मोठ्या प्रमाणात संक्रमणाचा प्रसार आणि शाळांमध्ये सुरक्षिततेच्या उपाययोजनांसाठी पुरेसा निधी नसल्यामुळे शाळा सुरू होण्याची शक्यता मावळली. विंगार्टने म्हटल्याप्रमाणे, शाळा उघडणे मुलांसाठी त्रासदायक असेल.

शाळा बंद करण्याच्या बाजूने सातत्याने विचार समोर येत आहे. प्रोग्रेसिव्ह नेव्हिगेटर प्रोजेक्टने केलेल्या सर्वेक्षणात असे आढळले आहे की, केवळ २० टक्के लोकांनी शाळा सुरू केल्याचे समर्थन केले. जूनपासून निषेध करणाऱ्यांच्या संख्येत २० टक्के वाढ झाली. विषाणूमुळे सर्वाधिक त्रास झालेल्या काळ्या लोकांमध्ये संघर्ष सर्वाधिक आहे. उच्च माध्यमिक विद्यार्थ्यांच्या ५०० पालकांच्या राष्ट्रीय पालक संघाच्या सर्वेक्षणात, केवळ ३४ टक्के श्वेत पालक आणि १९ टक्के अश्वेत पालक म्हणाले की, ते ऑगस्ट, सप्टेंबरमध्ये मुलांना शाळेत पाठवू इच्छितात.

अमेरिकेचे अध्यक्ष डोनाल्ड ट्रम्प यांनी अनेकदा शाळा सुरू करण्याबाबत पाठिंबा दर्शवला. त्यांनी फॉक्स न्यूजला मुलाखतीत सांगितले की, शाळा सुरू व्हाव्यात. ट्रम्प यांनी डेमोक्रॅटिक पक्षाच्या राज्यपालांवर शाळा बंद ठेवल्याचा आरोप केला आहे. जॉर्ज बुश यांच्या सरकारचे शिक्षणमंत्री असलेले मार्गारेट स्पेलिंग्ज म्हणतात की, शिक्षण, आरोग्यासह सर्व प्रकारच्या तज्ज्ञांच्या सल्ल्यानुसार केंद्र सरकारने काम केले पाहिजे. आदेश देण्याऐवजी निर्णय शाळांवर सोडला पाहिजे.

प्रायोगिक तत्त्वावर काही जिल्ह्यात शाळा सुरू होण्यास प्रारंभ

> मागील महिन्यात अमेरिकेच्या काही जिल्ह्यांत प्रायोगिक तत्त्वावर शाळा सुरू झाल्या. मीडिल टाऊन जिल्ह्यात तापमान तपासणीनंतर मुलांना आत प्रवेश दिला.

> शाळांच्या डेस्कवर प्लास्टिक शिल्ड ठेवल्या. कार्टून, पोस्टर्सच्या माध्यमातून मुलांना मास्क घालून संरक्षणात्मक पद्धती अवलंबण्याचा सल्ला दिला आहे.

>आठवड्यातून चार दिवस वेगवेगळ्या गटात मुले शाळेत येतात. उर्वरित मुले ऑनलाइन अभ्यास करतात. काही ठिकाणी कुटुंबातील एका गटाला शिक्षक दर तासाला ऑनलाइन सहा हजार रुपये प्रतिमहिना शिकवतात.

> एप्रिलमध्ये शाळा उघडणारा डेन्मार्क हा पहिला पाश्चात्य देश आहे. तथापि, धोक्यामुळे शिक्षक घरातूनच शिकवतात.

> फिनलँड, नॉर्वे, जर्मनीनेही शाळा सुरू करण्यास सुरुवात केली आहे. जपान, सिंगापूर, दक्षिण कोरिया येथेही शाळा उघडल्या. येथे संसर्ग नियंत्रणात आहे.

> इस्राईलमध्ये सावधगिरी न बाळगता मेमध्ये शाळा उघडण्यात आल्या. जूनमध्ये संक्रमण वेगाने पसरल्यानंतर शाळा बंद करण्यात आल्या. हजारो मुले आणि शिक्षकांना क्वारंटाइन व्हावे लागले.