ऑस्ट्रेलिया:पोलिसांकडून 95 वर्षीय महिलेला टेझर गनचा शॉक, 7 दिवसांनी वृद्धेचा मृत्यू, नर्सिंग होममध्ये चाकू घेऊन फिरत होती

ऑस्ट्रेलियन पोलिसांनी एका 95 वर्षीय महिलेवर इलेक्ट्रिक गनने हल्ला केला, त्यानंतर महिलेचा मृत्यू झाला. वास्तविक, 17 मे रोजी ही महिला नर्सिंग होममध्ये चाकू घेऊन फिरत होती. यानंतर पोलिसांना पाचारण करण्यात आले. वृद्ध महिला अधिका-यांच्या दिशेने जाऊ लागली तेव्हा त्यांनी महिलेला रोखण्यासाठी तिच्यावर टेझर गनने हल्ला केला.

बीबीसीच्या रिपोर्टनुसार, क्लेअर नोलँड असे या वृद्ध महिलेचे नाव आहे. वॉकिंग फ्रेमचा आधार घेऊन ती चालायची. पोलिसांच्या हल्ल्यात क्लेअर जमिनीवर कोसळली. त्यामुळे त्यांच्या डोक्याला गंभीर दुखापत झाली. डॉक्टरांच्या म्हणण्यानुसार क्लेअर यांची कवटी फ्रॅक्चर झाली होती. त्यांना आधीच स्मृतिभ्रंश झाला होता.

दरम्यान, ज्या पोलीस अधिकाऱ्याने क्लेअर यांच्यावर टेझर गनचा वापर केला त्याला निलंबित करण्यात आले आहे. त्याच्यावर मारहाणीचा गुन्हाही दाखल करण्यात आला आहे.

अमेरिकेत अशा प्रकारे कृष्णवर्णीयांची हत्या झाली

अशीच एक घटना 13 जानेवारी 2023 रोजी अमेरिकेतील लॉस एंजेलिसमध्ये घडली होती. येथे पोलिस एका अपघातानंतर कृष्णवर्णीय कीनन अँडरसनला अटक करण्यासाठी आले होते. अटकेला विरोध केल्यावर पोलिसांनी त्याच्यावर टेझर बंदुकीने हल्ला केला. यानंतर काही वेळातच त्यांना हृदयविकाराचा झटका आला आणि त्यांचा मृत्यू झाला. पोलिसांनी त्याला 30 सेकंदांपर्यंत विद्युत शॉक देण्यासाठी टेझर गनचा वापर केला. काही वेळाने पुन्हा 5 सेकंदांसाठी टेझर गन लावण्यात आली होती.