अफगाणिस्तानात क्रूरतेची मर्यादा ओलांडली:तालिबानने एका मुलाची हत्या केली; वडिलांवर अफगाण प्रतिरोध दलात काम केल्याचा संशय

अफगाणिस्तानमध्ये दररोज तालिबानच्या क्रूरतेचा एक नवा चेहरा समोर येत आहे. या वेळी प्रकरण एका मुलाच्या निर्घृण हत्येचे आहे. त्याचे वडील अफगाण प्रतिरोधक (रेजिस्टेंस) दलाचा भाग असल्याच्या संशयावरून तालिबान्यांनी मुलाची हत्या केली.

अफगाणिस्तानचा मीडिया पंजशीर ऑब्झर्व्हरने हा व्हिडिओ ट्विट केला आहे. यामध्ये गोळी लागलेल्या मुलाचा मृतदेह जमिनीवर पडलेला दिसत असून लहान मुले त्याच्या आजूबाजूला रडत आहेत. असे सांगितले जात आहे की, मुलाच्या वडिलांनी अफगाणींवर तालिबानच्या कारवाईविरोधात आवाज उठवला होता.

तालिबानची सर्व आश्वासने खोटी असल्याचे सिद्ध झाले
15 ऑगस्ट रोजी अफगाणिस्तान ताब्यात घेतल्यानंतर तालिबानने आश्वासन दिले की, ते कोणतीही प्रतिशोधात्मक कारवाई करणार नाही. पण तालिबान आपल्या सर्व आश्वासनांवर फेल गेला आहे. अलीकडेच त्यांनी जाहीर केले होते की, लोकांना त्यांच्या चुकीला धडा शिकवण्यासाठी शिक्षा भोगावी लागेल. ही शिक्षा हात कापण्यापासून ते जीव घेण्यापर्यंतची असेल.

तालिबानने पंजशीरच्या सैन्याला मदत करणाऱ्यांना लक्ष्य केले
अमेरिकेच्या एका मीडिया रिपोर्टमध्ये म्हटले आहे की, तालिबान लढाऊ लोक अशा लोकांना लक्ष्य करत आहेत ज्यांनी तालिबानच्या विरोधात सरकार आणि नॉर्दर्न फ्रंटियर फोर्सला पाठिंबा दिला. पंजशीरमधील एका तरुणाने सांगितले की, त्याच्या कुटुंबावर पाच वेळा हल्ले झाले आहेत.

त्याचवेळी, पंचशीलच्या एका स्थानिक रहिवाशाने सांगितले की तालिबान अफगाणिस्तानच्या मागील सरकारशी असलेल्या संबंधांबद्दल त्यांची चौकशी करतो. ते लोकांचे मोबाईल हिसकावून तपासतात. जर त्यांना संशयास्पद चित्र आढळले तर ते त्या व्यक्तीला मारतात.

दाढी न कापण्याचा आदेश
सोमवारी तालिबानमधील न्हाव्यांना दाढी न कापण्याचा आदेश देण्यात आला आहे. ते म्हणतात की, हे शरियतच्या विरोधात आहे. तालिबान अफगाणिस्तानात इस्लामिक शरिया कायदा पुन्हा लागू करत आहे. याआधीही तालिबानने 1996 ते 2001 या कालावधीत त्याची अंमलबजावणी केली होती. शरिया कायदा हा आंतरराष्ट्रीय मानवाधिकार कायद्याच्या विरुद्ध आहे आणि जे त्याचे उल्लंघन करतात त्यांना कठोर शिक्षा केली जाते.