अफगाणिस्तानात गव्हर्नरवर हल्ला:बाख प्रांतातील कार्यालयात सुसाइड ब्लास्ट, दाउद मुज्जमिल यांचा जागीच मृत्यू

अफगाणिस्तानच्या बाख प्रांताचे गव्हर्नर मोहम्मद दाऊद मुज्जमिल यांच्या कार्यालयावर गुरुवारी आत्मघाती हल्ला झाला. यामध्ये मुज्जमील यांचा जागेवरच मृत्यू झाला. या हल्ल्याची जबाबदारी IS या दहशतवादी संघटनेच्या खोरासान गटाने घेतली आहे. मुझ्झमिल यांचे कार्यालय बाख प्रांताची राजधानी मजार-ए-शरीफ येथे आहे.

अफगाण सरकारचे प्रवक्ते मोहम्मद शाहीन यांनी एका निवेदनात म्हटले आहे की, सध्या आम्हाला मिळालेल्या माहितीनुसार काही लोक त्यांच्या समस्या घेऊन मुज्जमिल यांना भेटण्यासाठी आले होते. त्यापैकी एक आत्मघातकी हल्लेखोर होता. या प्रकरणाचा तपास सध्या सुरू आहे.

तालिबानचे बडे नेते होते मुज्जमिल

3 महिन्यांपूर्वी चायनीज हॉटेलवरही झाला होता हल्ला

भारतीय दूतावासही निशाण्यावर

अफगाणिस्तानातील भारतीय दूतावासालाही लक्ष्य करण्यात आले आहे. ऑगस्ट 2013 मध्ये जलालाबाद येथील दूतावासावर हल्ला करणाऱ्या 3 आत्मघाती हल्लेखोरांना ठार करण्यात आले होते. यामध्ये अफगाणिस्तानचे काही सैनिकही मारले गेले. त्यादरम्यान, अफगाणिस्तानमधील भारताचे राजदूत अमर सिन्हा यांनी वैयक्तिकरीत्या मृत आणि जखमी लोकांची भेट घेतली आणि सुरक्षा पुरवल्याबद्दल त्यांचे आभार मानले.

एवढेच नाही तर त्याच्या सर्व वैद्यकीय गरजांचा खर्चही भारतीय दूतावासाने केला होता. 2010 मध्ये काबूलमधील दोन अतिथीगृहांवर झालेल्या हल्ल्यात सहा भारतीयांचा मृत्यू झाला होता. जुलै 2008 मध्ये कार स्फोटात ब्रिगेडियर आणि दोन ITBP जवान शहीद झाले होते.