दावा:AI धोकादायक..यामुळे फेक न्यूज साइट्स तयार होताहेत, खोट्या बातम्या तयार केल्या जाताहेत; काही साइट्सवर संपूर्ण कंटेंट एआयद्वारे लिहिला जातोय

गेल्या एप्रिलमध्ये एक बातमी सेलिब्रिटिज डेथ्स डॉटकॉमवर सकाळी झळकली. हेडलाइन होती ‘बायडेन डेड’. हॅरिस नऊ वाजता संबोधित करतील. तसेच एका वास्तुविशारदाचा मृत्यू झाल्याची खोटी माहिती व त्याचा शोकसंदेश दुसऱ्या वेबसाइटवर जारी केला. एका यूट्यूब व्हिडिओच्या आधारित टीन्यूजनेटवर्क साइटने रशिया-युक्रेन युद्धात हजारो सैनिकांच्या मृत्यूची बनावट बातमी प्रकाशित केली... ही फक्त उदाहरणे आहेत. इंटरनेट एआय चॅटबॉट्सद्वारे तयार केलेल्या अनेक बनावट वेबसाइट्स सुरू आहेत, असा दावा न्यूज रेटिंग कंपनी न्यूजगार्डच्या अहवालात केला आहे.

ब्लूमबर्गने ४९ साइट्सचे पुनरावलोकन केले. त्यानुसार काही ब्रेकिंग न्यूज वेबसाइट्सप्रमाणे डिझाइन केल्या आहेत. त्यांना ‘न्यूज लाइव्ह ७९’ आणि ‘डेली बिझनेस पोस्ट’ असे नाव दिले आहे, ज्यामुळे ते खरे वाटतात. यापैकी काही जीवनशैली टिप्स, सेलिब्रिटी बातम्या किंवा प्रायोजित सामग्री देतात. पण ते चॅटजीपीटी आणि गुगल बार्डसारखे एआय चॅटबॉट्स वापरत असल्याचा खुलासा कोणी करत नाही. न्यूजगार्डच्या मते, जगभरात अशा साइट्स आहेत, ज्या इंग्रजी, पोर्तुगीज व थाईसह अनेक भाषांमध्ये बातम्या देतात. या साइट्स शोधण्यासाठी, संशोधकांनी सामान्यतः एआय चॅटबॉट्सद्वारे टाइप केलेल्या वाक्यांशांमधून कीवर्ड वापरले. याशिवाय, सोशल मीडिया विश्लेषण प्लॅटफॉर्म क्राउडटंगल आणि मीडिया मॉनिटरिंग प्लॅटफॉर्म मेल्टवॉटरसारख्या साधनांवर शोध घेतला. न्यूजगार्डने पुनरावलोकन केलेल्या साइटवरील लेखांमध्ये एआय त्रुटी आणि अनेक प्रसिद्ध लेखकांचे बनावट प्रोफाइल देखील आढळले. काउंटीलोकलन्यूजडॉटकॉमने या गुन्ह्याच्या बातम्या कव्हर करणाऱ्या आउटलेटने मार्चमध्ये एआय चॅटबॉटच्या आउटपुटच्या मदतीने एक लेख चालवला. यामुळे लसीमुळे होणाऱ्या सामूहिक मृत्यूच्या खोट्या कट सिद्धांताबद्दल लिहिण्यास प्रोत्साहन मिळाले. तज्ज्ञ सहमत आहेत की अनेक साइट लोकांना आकर्षित करण्यात अयशस्वी ठरल्या.

त्यांच्या मॉडेलला असा ट्रेंड द्यावा लागेल की ते बातम्या तयार न करू शकेल
बेंटले युनिव्हर्सिटीतील डेटा सायन्सचे प्रोफेसर नोआ जियानसिराकुसा म्हणतात, “चिंतेची गोष्ट म्हणजे हे तंत्रज्ञान स्वस्त आणि सोपे झाले आहे. त्यासाठी मनुष्यबळही खर्च होत नाही. नोहा म्हणतात, ‘फसवणुकीच्या या ब्रँडचे समर्थक ते प्रभावी करण्यासाठी प्रयोग करत राहतील; परंतु न्यूजरूम्स एआय आणि ऑटोमेशनकडे वळत असताना, ऑनलाइन माहिती इकोसिस्टमची गुणवत्ता घसरत आहे. न्यूजगार्डचे गॉर्डन क्रोविट्झ म्हणतात, “ओपनएआय आणि गुगलसारख्या कंपन्यांना त्यांचे मॉडेल काळजीपूर्वक तयार करणे आवश्यक आहे जेणेकरून ते बातम्या बनवू नयेत.”