विमान दुर्घटना:फ्रान्समध्ये टूरिस्ट प्लेन आणि मायक्रो लाईट विमानामध्ये जबरदस्त टक्कर, 5 जणांचा मृत्यू

फ्रान्समध्ये शुक्रवारी भीषण विमान अपघात झाला. एका प्रवासी विमानाने मायक्रोलाईट विमानास धडक दिली. वृत्तसंस्था एएफपीनुसार, या दुर्घटनेत 5 जणांचा मृत्यू झाला. सरकारी प्रवक्त्या नादिया सेगैर म्हणाल्या की, दोन लोकांना घेऊन जाणाऱ्या मायक्रो लाइट विमाने सुमारे 4.30 वाजता डीए-40 प्रवासी विमानाला धडक दिली.

या विमानात 3 लोक होते. घटनेची माहिती मिळताच स्थानिक पोलिस आणि हवाईदलाचे पथक घटनास्थळी दाखल झाले. ढिगाऱ्याखालून 5 जणांचे मृतदेह बाहेर काढण्यात आले आहेत. दुसरीकडे फ्रान्स सरकारने या अपघाताच्या चौकशीचे आदेश दिले आहेत.