धक्कादायक:अमेरिकन कॅथोलिक चर्चमध्ये 600 मुलांचे लैंगिक शोषण; 80 वर्षांतील कृत्य लपवले मेरीलँडच्या चर्चने, 156 धर्मगुरूंचा समावेश

अमेरिकेतील मेरीलँड राज्यातील एका चर्चमध्ये एक धक्कादायक माहिती समोर आली आहे. येथे 156 कॅथोलिक धर्मगुरूंनी 80 वर्षांत म्हणजे 1940 पासून आतापर्यंत 600 हून अधिक मुलांचे लैंगिक शोषण केल्याचे समोर आले आहे. मेरीलँडचे अ‌ॅटर्नी जनरल अँथनी ब्राउन यांनी बुधवारी 463 पानांचा अहवाल प्रसिद्ध केला.

चार वर्षांच्या तपासानंतर हा अहवाल सादर करण्यात आला आहे. यात चर्च व्यवस्थापनाकडून धर्मगुरूंच्या गैरवर्तनाचा आणि कव्हरअपचा संपूर्ण तपशील मांडला गेला आहे. या गुन्ह्यात बाल्टिमोरच्या आर्चडायोसीसच्या सदस्यांचा सहभाग समोर आला आहे. हे अमेरिकेचे पहिले कॅथोलिक डायोसीज आहे. नवीन अहवाल रोमन कॅथोलिक चर्चमधील लैंगिक शोषणाच्या दशकभरातील घटनांचा समावेश आहे.

...तर कुटुंब जाईल नरकात मुलांना मिळत धमकी
लैंगिक शोषणाशी संबंधित या अहवालात असे म्हटले आहे की, बहुतेक गुन्ह्यांमध्ये अशा मुलांना लक्ष्य करण्यात आले होते. ज्यांना चर्चमध्ये अनेक लहान-मोठ्या गोष्टी करायला लावल्या जात होत्या. शोषणादरम्यान या मुलांना सांगण्यात आले की, ही देवाची इच्छा आहे. सोबतच हा प्रकार कोणाला सांगितल्यास कुटुंबीयांना नरकात जावे लागेल, अशी धमकीही देण्यात आली.

मेरीलँडमध्ये कधीही करू शकता गुन्हा दाखल
नुकतेच मेरीलँड सिनेटने एक विधेयक मंजूर केले आहे. या अंतर्गत लैंगिक छळाच्या विरोधात गुन्हे दाखल करण्याच्या मर्यादांचा कायदा रद्द करण्यात आला आहे. नवीन कायद्यानुसार केस कितीही जुनी असली तरी पीडितेला त्यासंदर्भात गुन्हा दाखल करता येईल. राज्याच्या कॅथलिक कॉन्फरन्सने या विधेयकाला चुकीचे आणि घटनाबाह्य ठरवत विरोध केला होता.

बहुतांश आरोपींचा झाला मृत्यू
मेरीलँड अहवालात सध्या पालकवर्गात सेवा करत असलेल्या कोणत्याही आरोपीचे नाव नाही. बहुतांश आरोपींचा यापूर्वीच मृत्यू झाला आहे. बाल्टिमोरचे न्यायाधीश टेलर, ज्यांनी अहवाल जारी करण्यास मान्यता दिली, म्हणाले - आम्ही आरोपीच्या मृत्यूनंतर सर्व प्रकरणे उघड करून पीडितांना न्याय मिळवून देऊ शकतो.

4 वर्षात 456 पानी अहवाल सादर
456 पानांचा अहवाल तयार करण्यात दोन अ‌ॅटर्नी जनरलचा सहभाग होता. ज्युरींनी वेळोवेळी जारी केलेले समन्स एकत्रित करून ते तयार केले गेले आहे. याशिवाय, यात हजारो दस्तऐवजांचा वापर केला आहे जसे की कर्मचारी रेकॉर्ड, वैद्यकीय आणि मानसिक आरोग्य दस्तऐवज, अधिकृत चर्च धोरणे. अ‌ॅटर्नी जनरल ब्राउन यांनी त्यांच्या कार्यालयात लैंगिक अत्याचाराची तक्रार करण्यासाठी हॉटलाइन देखील सेट केली आहे. त्यांच्या मते, आतापर्यंत 300 हून अधिक लोकांनी याद्वारे संपर्क साधला आहे.

10 आरोपी अजूनही जिवंत असण्याची शक्यता
अहवालात 33 पुजाऱ्यांचा समावेश आहे ज्यांची नावे यापूर्वी कोणत्याही प्रकरणात समोर आली नव्हती. त्यात चर्चशी संबंधित 146 आरोपींचीही नावे आहेत, ज्यापैकी बहुतेक पुरूष आहेत ज्यांनी याजक म्हणून सेवा केली आहे. याशिवाय 10 लोक आहेत ज्यांची नावे अद्याप समोर आलेली नाहीत. अहवालानुसार, हे लोक अजूनही जिवंत असू शकतात आणि अशी शक्यता आहे की त्यांची ओळख अद्याप पटलेली नाही. त्याचबरोबर चर्च व्यवस्थापनातील काही लोकांचाही उल्लेख आहे ज्यांनी गुन्हा लपवण्यासाठी आरोपींना मदत केली.