मेक्सिकोत 4 अमेरिकन लोकांचे किडनॅपींग:ओढून गाडीत टाकले, स्वस्तात औषधे घेण्यासाठी गेले होते, माहिती देणाऱ्याला FBI देणार 40 लाख

मेक्सिकोला गेलेल्या अमेरिकेतील चार जणांचे शुक्रवारी (दि.3 मार्च) अपहरण करण्यात आले होते. चार दिवसांच्या अथक परिश्रमानंतरही त्यांचा शोध लागला नाही. त्यानंतर आता अमेरिकेची तपास संस्था एफबीआयने मदतीसाठी बक्षीस जाहीर केले आहे. FBI एजन्सी म्हणाली की, जो कोणी अपहरण झालेल्या लोकांची माहिती देईल. त्यांना 40 लाख रुपयांचे बक्षीस म्हणून दिले जाईल.

मेक्सिकोमध्ये झालेल्या अमेरिकन नागरिकांच्या अपहरण प्रकरणाने इतके लक्ष वेधले आहे की, आता व्हाईट हाऊसही त्यावर लक्ष ठेवून आहे. त्याचवेळी मेक्सिकोचे राष्ट्राध्यक्ष लोपेझ ओब्राडोर यांनी दावा केला आहे की, हे सर्वजण सीमा ओलांडून स्वस्त औषधे खरेदी करण्यासाठी तेथे गेले होते.

आधी गोळीबार नंतर अपहरण
मीडिया रिपोर्ट्समध्ये असा दावा करण्यात आला आहे की, अमेरिकन नागरिक एका पांढऱ्या व्हॅनमधून उत्तर कॅरोलिना येथून मेक्सिकोतील मॅटामोरोसमध्ये दाखल झाले. प्रवेश केल्यानंतर काही अज्ञातांनी त्यांच्यावर गोळीबार सुरू केला. यानंतर त्यांना ओढत फरपटत गाडीत बसवले.
आता या संपूर्ण प्रकरणाची दखल घेत व्हाईट हाऊसचे प्रेस सेक्रेटरी जॉन पियरे यांनी म्हटले आहे की, अमेरिकन लोकांचे अपहरण आणि छळ हा प्रकार अजिबात सहन केला जाणार नाही.

किडनॅपींग प्रकरणात आत्तापर्यंतचे अपडेट्स