बांगलादेशातील निर्वासित कॅम्पला आग, VIDEO:12 हजारांहून अधिक रोहिंग्या निर्वासित बेघर; म्हणाले- आमच्याकडून सर्व काही हिसकावले

बांगलादेशातील रोहिंग्या निर्वासितांसाठी बांधलेल्या निर्वासित छावणी परिसरात आग लागली. या दुर्घटनेत 2 हजारांहून अधिक घरे उद्धवस्त झाली. सुदैवाने यात कोणतीही जीवीतहानी नाही. तर जमखी देखील नाही. मात्र, अनेक लोक बेपत्ता असल्याची माहिती समोर येत आहे. लोक म्हणतात की, आगीने त्यांचे सर्व काही हिरावून गेले आहे. आगीचे कारण अद्याप स्पष्ट झालेले नाही.

बांगलादेशचे शरणार्थी आयुक्त मिझानुर रहमान म्हणाले- 5 मार्च रोजी दुपारी 2 : 45 वाजता कुतुपालॉंग भागात आग लागली. येथे बहुतेक निर्वासित राहतात. 12 हजारांहून अधिक लोक बेघर झाले आहेत. आता या घटनेचे फोटो आणि व्हिडिओ सोशल मीडियावर व्हायरल होत आहेत. आगीनंतर पळापळ आणि चेंगराचेंगरी सुरू झाली. सर्वत्र धूर उडाला होता आणि विध्वंस दिसून येत आहे.

पाहा अपघाताची छायाचित्रे...

आग आटोक्यात आणण्यासाठी 3 तास ​​लागले, बचावकार्यातही अडचणी
निर्वासित छावणीत राहणारा मामून जोहर म्हणाला की, माझे घर आणि जग उद्ध्वस्त झाले आहे. आगीचे माझ्यापासून सर्व काही काढून घेतले. आता माझ्याकडे काहीच उरले नाही. त्याचवेळी घटनास्थळी उपस्थित असलेल्या अग्निशमन विभागाच्या अधिकाऱ्याने आग विझवण्यासाठी साडेतीन तास लागल्याचे सांगितले. त्याचबरोबर आगीचे कारण शोधले जात आहे.

अधिकारी म्हणाले - निर्वासित शिबिर डोंगराळ भागात आहे. येथील आग भीषण होती. वेगाने पसरत होती. अग्निशमन दलाला तेथे पोहोचणे कठीण जात होते. लोकांना वाचवण्यात अनेक अडचणी आल्या. आग आटोक्यात आणण्यासाठी साडेतीन तास लागले.